وەفاداران بە ڕەحمەت بن
وەفاداران بە ڕەحمەت بن دەنا
بێ وەفایان بە نەحلەت بن
ئەرێ دوێنێ نیشانەت بۆ ناردم
دوێنێ نیشانەت بۆ ناردم دەنا
شەوێ دی سوێندت بۆ خواردم
ئەرێ بەو حاڵەش هەر لێت دڵساردم
بەو حاڵەش هەر لێت دڵساردم
هاوار چ بکەم چیت لەگەڵ کردم
بە قسەی خەڵکیت لەگەڵ کردم

کراسی زەردی لە بەردایە
کراسی زەردی لە بەردایە
جیرانی میرزا بابایە

ئەرێ ڕەنجەڕۆ خۆم یار تۆراوە
ڕەنجەڕۆ خۆم یار تۆراوە
ئەی خانم خانم خانمۆڵێ
لە خڕێت ماچ کەم یان لە دۆڵێ

ئەی خانم خانم خانمۆڵێ
چاوجوانی هەوری لە کۆڵێ
پەریزادەی سەروین لەسەر
شازادەکەی نەرم و نۆڵێ

ئەمشەو مانگی ڕووت خەرمانە
شەوی دڵداری و جێژوانە
ئەمشەو مانگی ڕووت خەرمانە
شەوی دڵداری و جێژوانە
دڵم مەیلی لە سووتانە
بە شەمعت بم یان پەروانە

ئەڕۆی شەو پڕ دەکەی لە ناز
مەستمان دەکەی بە چاوی باز
هاتووی بۆ ڕاوی نێچیران
لە ڕووی دڵداران دەگری گاز

ئەمشەو کاروانی ڕێی دوورم
باخەوانی گوڵی سوورم
چاوەڕیی دیداری مانگم
هەر بۆ تۆیە دەر و ژوورم

هەی خانم خانم خانمۆڵێ
چاوجوانی هەوری لە کۆڵێ
پەریزادەی سەروین لەسەر
شازادەکەی نەرم و نۆڵێ

کە دێی ڕێگا مەستی تۆیە
ئاوەنگی شەو هەستی تۆیە
گوڵ بۆنی خۆشی تۆ دەگرێ
دڵ زامداری دەستی تۆیە

ئەرێ وێڵی مەکانی بێستوونم

دەنا عاشقی گەنجی فەرەیدوونم

ئەرێ دەنێو عاشقاندا مەجنوونم

دەنا ئەی خانم خانم خانمۆڵێ

لە خڕێت ماچ کەم یان لە دۆڵێ

ئەرێ مارانگاز بووم ترسام لە حەی

لەناکاو دەستم برد بۆ بەی

ئەرێ باغەوان بانگی کرد نەیکەی

ئەرێ ئەی خانم خانم خانمەکە

جا بە غەمزە جەرگم داغ مەکە

ئەرێ ڕووی دەرکەیان دە شەماڵی

دەنا جوانە خەنە و بسکی ئاڵی

ئەرێ کوشتوومی دوو چاوی کاڵی

دەنا ئەی خانم خانم خانمۆڵێ

لە خڕێت ماچ کەم یان لە دۆڵێ

ئەرێ جوانە لە سوانەی بڵیندی

ڕادەبرد بە تاڵ و توندی

ئەرێ کەنگێ خەراپەت لە من دی

دەنا ئەی خانم خانم خانمەکە

جا بە غەمزە جەرگم داغ مەکە

ئەرێ سی و مراوی دەپۆڕن

بەسەر بەحراندا دەنۆڕن

ئەرێ کیژ قەولان زوو زوو دەگۆڕن

دەنا ئەی خانم خانم خانمۆڵێ

لە خڕێت ماچ کەم یان لە دۆڵێ

کراسی زەردی دەبەردایە
جیرانی میرزا بابایە
لێمان ناکا مەرحەبایە
ئەی خانم خانم خانمۆڵێ
لە خڕێت ماچ کەم یان لە دۆڵێ

خەجاڵەت بی دەگەڵ وەفات
چەندم کێشا جەور و جەفات
تێرم نەکرد سەیر و سەفات
ئەی خانم خانم خانمۆڵێ
لە خڕێت ماچ کەم یان لە دۆڵێ

لە مزگەوتێ نوێژم دەکرد
یەکێک لە ناکاو بانگی کرد
خانەخەراپ لەیلاتیان برد
ئەی خانم خانم خانمۆڵێ
لە خڕێت ماچ کەم یان لە دۆڵێ

چاوت ئەستێرەی سوبحیدەم
مەشهوورە لە کورد و عەجەم
تۆ خاتووزین و من کاکەمەم
ئەی خانم خانم خانمۆڵێ
لە خڕێت ماچ کەم یان لە دۆڵێ