site loader
Song image
ئاوێنە – حەسەن زیافەتی

By - حەسەن زیافەتی

حەیفە کوێستان بەو سەرە بەرزانەوە هەر تەم نەبێ
ئەو تەمە پیرۆزە سایەیی لەو سەرانە کەم نەبێ
خۆ بە زێڕ نایگۆڕمەوە دەشت و وڵاتی خۆم بەڵام
من سەرم تێدا دەچێ جێگەم ئەگەر حەستەم نەبێ
حەیفە کوێستان بەو سەرە بەرزانەوە هەر تەم نەبێ
ئەو تەمە پیرۆزە سایەیی لەو سەرانە کەم نەبێ

شەو بە یادی تۆ ئەگەر ئەژنۆ دەگرمە باوەشم
کێ هەیە فرمێسکی بۆ من هەڵوەرێنێ شەم نەبێ
حەیفە کوێستان بەو سەرە بەرزانەوە هەر تەم نەبێ
ئەو تەمە پیرۆزە سایەیی لەو سەرانە کەم نەبێ

کۆپی کردن بێ ئاماژەدان بە سەرچاوە قەدەغەیە
More
Song image
قەحبەن ئەوانەی پێم دەڵێن – حەسەن زیافەتی

By - حەسەن زیافەتی

هاوار هاوار هاوار
هەر من ڕەنجەڕۆوە خۆم
سەدان ساڵە
لە وێرانەماڵی خۆمدا
کتکەکوێرەی گۆشەی متبەقی سوڵتانم
سەدان ساڵە
حەوشوبەرەی خۆم واڵایە و
لە بەر دەرکەی دزانی خۆم پاسەوانم
هەر من ڕەنجەڕۆوە خۆم

سەدان ساڵە
وەکوو چنگێک دانەوێڵە
ئاشی مێژوو فڕێی داوم
هەر چوار دەورم شارۆچکەیە و
مێروولە دەمیان تێ ناوم
هەر من ڕەنجەڕۆوە خۆم

من پشتێکی بریندارم
لە قامچیی خۆم ڕاپەڕیوم
من لافاوێکی لاسارم
لەو کەنارانە هەڵساوم
کە تەنگیان پێ هەڵچنیوم
نانیشمەوە، نانوومەوە
بێ ئارامم
ئارامی من چرایەک بوو
ڕەشەبای دەورم خوێنی ڕشت
بێبەزەییم
بەزەییی من زەریایەک بوو
بینیان پێوەنا و هەڵیانمشت

خوێڕین ئەوانەی پێم دەڵێن:
دان و مێروو برای یەکن
خوێڕین ئەوانەی پێم دەڵێن:
خوێن و زەروو برای یەکن
خوێڕین ئەوانەی پێم دەڵێن:
ماسی و چەنگاڵ
مشک و جەواڵ
دەست و چزوو برای یەکن
قەحبەن ئەوانەی پێم دەڵێن
پەت و گەردن
گوێزان و موو برای یەکن

وەرن خەڵکە!
لە نەچیر و زام بپرسن
بڵێن توخودا
خەنجەر هەیە زام تیمار کا؟
ڕاوچی هەیە نەچیر نەخوا؟
دە خەڵکە لە کا بپرسن
قەت ئاگری ساردی دیوە؟
لە هێلانەی مەل بپرسن
بەنیازی ماچ
قەت مار دەمی تێ ژەنیوە!؟
دە لە داربەڕوو بپرسن
تەوری دیوە داربڕ نەبێ؟
دە لە کەرێکیش بپرسن
گورگی دیوە کەردڕ نەبێ!؟

قەحبەن ئەوانەی پێم دەڵێن:
تەوری برای داریش هەیە
قەحبەن ئەوانەی پێم دەڵێن:
ماری شیرین ژاریش هەیە

ساڵەهایە ساڵەهایە
تەونی درۆ هەڵدەبەستن کۆسەکانی ئەم دنیایە
ساڵەهایە بەقەد ئەسپێی نیفۆکانمان بەقەد ڕشکی تووکەسەرمان
هەوری بەڵێن بەم خاکەدا تێدەپەڕێ و دڵۆپە بارانێ نایە
ساڵەهایە
بن زمانیان
هەزار و یەک زوڕنای تیایە
گوێتان بگرن تێ نەکەون
پەیژەکەیان
دەندەی ڕووتی برسییەکانە
وریای سەربانەکانتان بن سەرنەکەون

کۆپی کردن بێ ئاماژەدان بە سەرچاوە قەدەغەیە
More
Song image
ئەم ئێوارەیە – حەسەن زیافەتی

By - حەسەن زیافەتی

ئەم ئێوارەیە پاییزە خێڵ بەرەو گەرمیان ئازیزە

یارەکەم لەو خێڵە دایە ئاگاداری بێ ئەو خوایە

ماڵیان لە سیلەی قەڵاتێ ئەو چڵە تازە دەگاتێ

ماڵیان لە سیلەی قەڵاتێ یار بیچکۆل تازە دەگاتێ

گەورە بێ ماچمان دەداتێ شێتی کردووم دەم نایگاتێ

ئەم ئێوارەیە هاوینە یارەکەم دوو چاوی شینە

ئاگاداری باڵاکەی بێ ئەو شێخەی ماڵ لە مەدینە

خەڵکینە جەرگم کون کونە خەڵکی بۆکان لێم دوژمنە

چوونکە ئەو گوڵە یاری منە شێتی کردووم نازی شنە

ئەم ئێوارەیە بەهارە شاد بۆنی گوڵ و گوڵزارە

ئاگاداری باڵاکەی بێ شێخەکەی ماڵ لە بیارە

رۆژێکی دەمەوبەیانی هات بۆ لام بە لەنجەی جوانی

ئەمنیش بەڵێنیم پێ داوە ئەمساڵ دەیکەم بە بۆکانی

کۆپی کردن بێ ئاماژەدان بە سەرچاوە قەدەغەیە
More