سەدەی بیستوومە کوردە تۆ ڕاپەڕە
تەواوی مێژووت بە خوێن پەڕپەڕە
تەواوی گەلان هەموویان سەربەخۆن
لە کوردستانا زوردار خوێنمان دەخۆن
زانابین، تێبکۆشین، دەور دەوری ئێمەیە
وڵات چاوەڕێی شۆڕشی ئێمەیە

لەغاوی شۆڕش خۆت بگرە ئەی کرێکار
ئەتۆی دەچێژیت زیللەت و ئیش و کار
بە هیممەتی گۆ کرێکار و جوتیار
بەسە دواکەوتن، دەسبەسەر و هەژار
زانابین، تێبکۆشین، دەور دەوری ئێمەیە
وڵات چاوەڕێی شۆڕشی ئێمەیە

لە درێژایی مێژوو نەمدی ئاڵاکەمان
بە غەیری دواکەوتن، چەوسانەوەی گەلمان
هەزاران شەهید لە ڕێگای ئازادی
گیانیان فیدا کرد ئامانجیان بێتە دی
زانابین، تێبکۆشین، دەور دەوری ئێمەیە
وڵات چاوەڕێی شۆڕشی ئێمەیە

دەخیلتم ئەی بای سوبح و ئێواران
ئەبەیتە گوڵشەن سەیرانگەی یاران
دڵێ بۆتە گەمی دیلیی دەردەداران*؟؟؟
ڕەشپۆشە وێنەی تەعزیەداران

ڕابوێرە بە سەربەرزی بە نان و ئاوێک
سەر دامەنوێنە بۆ هەموو ناپیاوێک
لەم ژینە کە هەر دەمێکە دێت و دەڕوا
مەردایەتی مەفرۆشە لەپێناو تاوێک

دەمبینی کە خەمبار و کز و داماوم
وا بیر مەکەوە کە لە مەرگ و کەس ترساوم
مردن کە لە ڕێمە هەر دەبێ، ناترسم
ژاکاوی ئەوەم بە ئارەزوو نەژیاوم

*؟؟؟= ئەم بەشەمان بۆ ساغ نەبۆتەوە، تکایە ئەگەر دەیزانن بۆمانی بنووسن
زۆر سپاس

ڕێی خەباتمان چەندە سەخت و دوور بێت
با چوار دەورمان کڵپەی ئاگر بێت
لەم ڕێ پیرۆزە هەرگیز لانادەین
ئێمەین بۆ مردنیش ئامادەین

بۆ دونیایەکی نوێ بۆ هەژاران
بۆ دانانی کۆمەڵگای یەکسان
ڕەگی زۆرداری لە ڕیشە دەردێنین
تۆوی ئازادی گەلمان دەچێنین

بە ڕابەری چینی کرێکاران
بە ڕێبازی ڕێگەی تێکۆشان
ئاڵای سووری شۆڕشمان هەڵ ئەکەین
تا بە ڕۆژی سەرکەوتن ئەگەین

ڕێی خەباتمان چەندە سەخت و دوور بێت
با چوار دەورمان کڵپەی ئاگر بێت
لەم ڕێ پیرۆزە هەرگیز لانادەین
ئێمەین بۆ مردنیش ئامادەین

Ey şehîdan
Êwe lew estêregeşaney asmanî çewsawanin
Heta şew reş û reştir bê êwe her geş û geştirin

Rêy xebatman çende sext û dûr bêt
Ba çiwar dewrman kilpey agir bêt
Lem rê pîroze hergîz lanadeyn
Êmeyn bo mirdinîş amadeyn

Bo dinyayêkî nwê bo hejaran
Bo dananî komelgay yeksan
Regî zordarî le rîşe derdênîn
Towî azadî gelman eçênîn

Be raberî çînî kirêkaran
Be rêbazî rêgey têkoşan
Alay sûrî şorişman hel ekeyn
Ta be rojî serkewtin egeyn

Rêy xebatman çende sext û dûr bêt
Ba çiwar dewrman kilpey agir bêt
Lem rê pîroze hergîz lanadeyn
Êmeyn bo mirdinîş amadeyn

لەو ڕۆژەوە تۆم ئای نەدیوە بە چاو
گەڵاڕێزانمە ئای وەک باغی بێ ئاو
هەی وەی بارانە ئای ڕێزە بە ڕێزە
دایم چاوێکم ئای لە ڕێی کارێزە

کز و کەلەلام ئای گرانە دەردم
ڕەنگ زەرد و زەعیف ئای هەناسەسەردم
هەی وەی بارانە ئای نم نم دایداوە
ئەگریجەی لە بان ئای گۆنای داخراوە

هێزی پێم نییە های بڕۆم بە ڕێدا
تا بزانم یارم های ماڵی لە کوێدا
هەی وەی بارانە ئای ڕێزە بە ڕێزە
دایم چاوێکم ئای لە ڕێی کارێزە

ئەترسم بمرم ئای لەم دوور وڵاتە
دڵ پڕ لە خۆزگە و ئای ئۆف و ئاواتە
هەی وەی بارانە ئای نم نم دایداوە
ئەگریجەی لە بان ئای گۆنای داخراوە