ئەمڕۆ بەهارە بیابان خۆشە
لە دۆڵا ڕیحانانە لە کەل وەنەوشە
بەهار هاتەوە نەسرین ڕازاوە
سوێسنە و هەڵاڵە و بەیبوون سەریان لێکداوە
دەنگی بولبولم نایە ئەڵبەت تۆراوە

لێرە مەمکوژن خاکەکەی سوورە
بمبەنە بۆکان ئەی وەی نێوم مەنشوورە
بمبەنە بۆکان بمرم نێوم مەنشوورە
بەهار هاتەوە نەسرین ڕازاوە
سوێسنە و هەڵاڵە و بەیبوون سەریان لێکداوە
دەنگی بولبولم نایە و ئەڵبەت تۆراوە

ئەمڕۆ بەهارە با بچینە سەیران
ئەمڕۆ هەرارە با بچینە سەیران
لەگەڵ یار پێک شاد بووین وەک جاری جاران
لەگەڵ یارم پێک شاد بووین وەک جاری جاران
بەهار هاتەوە نەسرین ڕازاوە
سوێسنە و هەڵاڵە و بەیبوون سەریان لێکداوە
دەنگی بولبولم نایە و ئەڵبەت تۆراوە

ئێوارێ تەگبیر سبحەینێ بارە
پایزە هەوارم نۆجوان نێزیک بە یارە
پایزە هەوارم جوانێ نێزیک بە یارە
بەهار هاتەوە نەسرین ڕازاوە
سوێسنە و هەڵاڵە و بەیبوون سەریان لێکداوە
دەنگی بولبولم نایە و ئەڵبەت تۆراوە

ئێوارێ تەگبیر سبحەینێ کاروان
بار کەین بۆ چیمەنان با بچین بۆ سەیران
بار کەن لە چیمەنان با بچین بۆ سەیران
بەهار هاتەوە نەسرین ڕازاوە
سوێسنە و هەڵاڵە و بەیبوون سەریان لێکداوە
دەنگی بولبولم نایە و ئەڵبەت تۆراوە

هەرارە: گۆرانی بە کۆمەڵ

وە سەر کەلێ چیایێدا سەر کەتم
چیا هاوار دکر دگریا
چیا گازی دکر دگەڕیا
وە من نازانم چ کاتێک یانە شەوە یا ڕۆژە تەمەلوولانە
ئاهەنگی چیا ڕووی لە نەمانە
سەوزایی لەسەر چیا نەمانە
ڕەشایی لە جێی هەموو ڕەنگانە
ڕەشی ڕەشایی هەوای ژیانە
گیانلەبەر هەمووی لە هەوڵی گیانە
ڕێی هاوار نییە و قات و قڕانە

چیا گشتییە موڵکی هەمووانە
بێ چیا ژیان ڕووی لە نەمانە
با چیاکانمان ئاهەنگی ژین بن
بۆ ئەوینداران لانکی ئەوین بن
سەوزە ئەو کەسەی بۆ ئەوین ژیا
بە عەشقی ژیان لە داوێن چیا
دارێکی چاند و گوڵێکی نیا

سەوزە ئەو کەسەی بۆ ئەوین ژیا
بە عەشقی ژیان لە داوێن چیا
دارێکی چاند و گوڵێکی نیا
بەندێکی شکان و کەوێکی بەردا
کۆترێکی بەردا

پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین
گەر بە ئازادی نەژیم مردن خەڵاتە بۆ لەشم
نۆکەری و سەردانەواندن کاری نامەردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

گرتن و لێدان و کوشتن عامیلی ئازادییە
تۆپ و شەستیر و کەلەبچە لام وەکوو ئەفسانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چەکی شۆڕشگێڕی من نووسین و بیر و باوەڕە
ڕاپەڕینە هەڵمەتە پڕ نەعرەتەی کوردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چاوەڕوانی شۆڕشێکم عالەمێ ڕزگار بکا
میللەتم بۆ ئەو مەبەستە کردەوەی شێرانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

گەرچی دوژمن وائەزانێ من بە دیلی لاڵ ئەبم
باش بزانێ کونجی زیندانم قوتابیخانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

بیری ئازادیم لە زیندانا فراوانتر ئەبێ
قوڕ بە سەر ئەو دوژمنەی هیوای بە بەندیخانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چاوەڕوانی شۆڕشێکم عالەمێ ڕزگار بکا
میللەتم بۆ ئەو مەبەستە کردەوەی شێرانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین

چەکی شۆڕشگێڕی من نووسین و بیر و باوەڕە
ڕاپەڕینە هەڵمەتە پڕ نەعرەتەی کوردانەیە
پێی ناوێ بۆ شەهیدی وەتەن شیوەن و گرین
نامرن ئەوانە وا لە دڵی میللەتا ئەژین