بە غەمزەی چاوی مەخمووری سیاهی مەستی مەی کردین
بە ماچی لێوی موستەغنی لە ئەنواعی مەزەی کردین

ترازا بەندی سوخمەی ئاڵی گوڵناری بە ئاهی من
کەچی دەستی لەسەر دانا لە سەیری باغی بەی کردین

لە بۆ یەک مەرحەبایێ چوومە لای یارم بە سەرخۆشی
نیقابی خستە ڕوخسار و بەجارێ کەوتە خامۆشی
کە وام دی ڕۆیی ئارامی دڵ و سەبر و فەرامۆشی
بە هەوری پەرچەم و زوڵفی ڕوخ و ئەبرۆی کە داپۆشی
لە شەوقی ڕوئیەتی بەدری هیلالی یەک شەوەی کردین

Be xemzey çawî mexmûrî sîyahî mestî mey kirdîn
Be maçî lêwî mustexnî le enwayî mezey kirdîn

Tiraza bendî suxmey alî gulnarî be ahî min
Keçî destî leser dana le seyrî baxî bey kirdîn

Le bo yek merheba çûme lay yarim be serxoşî
Nîqabî xiste ruxsar û becarê kewte xamoşî
Ke wam dî royî aramî dil û sebir û feramoşî
Be hewrî perçem û zulfî rux û ebroy ke dapoşî
Le şewqî ruyetî bedrî hîlalî yek şewey kirdîn