ئای وەی وەی وەی وەی وەی
ئەوە سەدایەکی پیرە پاییزێ لە من دەگەیشتێ
لە عالەمێ چەندە درەنگە
لە کاکی خۆت تازە و سەر لە هەوەڵێ
ئەرێ ئەوە سوێسن دەیگوت بە هەڵاڵێ
هەڵاڵ دەیگوت بە بەیبوونێ
بەیبوون دەیگوت بە گیاخاوێ
گیاخاو دەیگوت بە ڕەشەڕێحانێ
ڕەشەڕێحان دەیگوت بە سوورەگوڵێ
وەرن ئێمە سەرە خۆ دەرێنینەوە لە خارێ لە خۆڵێ
خۆ ڕاوەشێنینەوە لە خزمەت بایەکی شەماڵ و بارانی دەپیرە پەڵێ
سەرگەردان و دەست بە دامانی ئەوە خەزێم شۆڕانم ئای

ئای وەی وەی وەی وەی وەی
ئەرێ ئەوە دەستی من ناگاتە بەژنێ کەڵەگەتێ باریکێ
مەگەر نێردیوانێکی بۆ دروست کەم لە داری عەنابێ
نێوداری لێ بدەم لە سەندەڵێ
ئەرێ ئەوە پار ئەوان مەجالان سینگ و مەمێ
زاڵمێ زاڵمبابێ دە بەر ئیجارەی مندا بوون ئەو ساڵەکانێ گولێکی دە گولەمێردان پێی دەکەونەوە گەنگەڵێ
سەرگەردان و دەست بە دامانی وا خەزێم شۆڕانم
ئەزت مرم پاییزێ
سپاسی تایبەت بۆ بەڕێز #ئارام_قوڕەیشی لە شاری مەهاباد کە پێداچوونەوەی لەسەر دەقی ئەم گۆرانییە کردووە و یارمەتی داوین دەقەکەی تەواو کەین.

ئای وەی وەی وەی وەی
ئەوە سەدایێ پیرەپاییزێ لە سەری داوم
هەی کوڕینە چەندی پاییزێکی مژی لە من داوێتەوەو سەری
بەوان لە بنی گوێم خۆش دێ هاڕەی دە بازی
لەگەڵ شەقەی دە ژان بێزاری ئەی کوڕینە دەگەڵ چریک و هۆڕی کەودەری
کیژ دەڵێ ئەوە هەتیوە لاوە من ئەگەر لە ترسی خودای خۆم بوێرم دوگمەی سینگ و مەمکانت بۆ بترازێنم بە یەکسەری
دەتهاوێمە گێژێکی دەو ئەسکەندەری
جا مەگەر خوداوەندی میری مەزن پاشایە کەرەمێ
بە ڕوحم و ڕەحمەتی خۆی ڕوحمێکت پێ بەری
دەنا لە دینی محەمەدەلمستەفات دەکەن بێ‌بەری
وەی نەحلەت لە بابی ئەوان کەسانە ئەگەر لە سەرەوە کاکە کاکەیانە لەبنەوە تەماحێ دەکەنەوە دە مەعشووقەی برادەری
ئای غەمی لە دڵم وەرە ڕابرە ئەوڕۆ ئەوە پاییزە
ئای وەی وەی وەی
ئەوە سەدایێ پیرەپاییزێ لەسەری داوم وەی کوڕینە چەندی پاییزێکی سەر لە هەوەڵێ
بەوان ئەمن حەوت ماڵی دەر و جیرانی دە خەراپەت دەکەمەوە بەقوربانی قاشی دە برۆیە جووتێک زەری مەمی دە باغەڵێ
ئەوڕۆ بەژنت بە من بمێنی بە هەڵاڵێ بە بەیبوونێ بە سوورەگوڵێ
ئەگەر سەری خۆیان دێننەوە دەرێ لە خاکێ هەر لە خۆڵێ
خۆ ڕادەوەشێنن لەبەر بارانی پەڵێ
کوڕینە بۆ ئەنگۆ وەسیەت بێ کەسانێکی حەزێ دەکا سڕی مەعشووقەی ئاشکرا نەبی قەت ڕازی دڵی خۆی لە کن برایە دای و بابیشی قەت نەڵێ
وەی غەمی لە دڵم وەرە ڕابرە ئەوە پاییزە درەنگە لاوژۆ
ئای وەی وەی وەی
ئەوە سەدایێ پیرەپاییزێ لە سەری داوم
وەی کوڕینە چەند پاییزێکی بە خێر و بێر و خۆش پاییزە
بەوان هەوران دێنی و دەگێڕی
تەمێ دە با بە سەر دێی‌دا باران و بەفر و تەق و ترۆق و گیزەگیزە
وەی خودا خەرا کا ماڵێ شەیتان و فەساتان پارەکە وان مەجالان مەعبەینی من و دۆتمامێ چەند خۆش بوو
ئەوساڵەکە نازانم لەسەرچی لە مە غەریبەمالەیەو زیزە
ئای غەمی لە دڵم وەرە ڕابرە
دە چ بکەم ئەوڕۆ پاییزە
سپاسی تایبەت بۆ بەڕێز #ئارام_قوڕەیشی لە شاری مەهاباد کە پێداچوونەوەی لەسەر دەقی ئەم گۆرانییە کردووە و یارمەتی داوین دەقەکەی تەواو کەین.