ئەگەر گوڵ بای ڕەنگە لەسەر لاسکە سەوزەکەی خۆتەوە دەمایتەوە
و بۆ چەند ڕۆژێک وەک ئەستێرە دادەگیرسای
لە دواییدا بەسەر گەڵا و ڕەگەکانتا هەڵدەپڕووکای

بەڵام هاوڕێ خۆ تۆ گوڵ نی تۆ شەهیدی
نە سیس دەبی و نە دەشوەری
تۆش وەک خوێن و خۆشەویست و ئازادی وای
لە ناو دڵی پڕ لە زامی هەمووماندای

ئاخ بۆ دوا جارە بەجێت دێڵم سا ماڵاوا ئەزیزەکەم
شاخ و گرد و هەرد دەکێڵم سا ماڵاوا ئەزیزەکەم
ئاخ بۆ ئامانجی ڕۆژی ڕووناک ڕێگای تاریکی دەکێڵم
بەجێت دێڵم
بەجێت دێڵم

دەبا بمرم لە تۆفانی دەردی دووری تا فرسەتە
وەی نەبا بمرم لە ڕۆژێکا کە لێوم لەسەر سینەتە
بەجێت دێڵم
بەجێت دێڵم
ئاخ بۆ دوا جارە بەجێت دێڵم سا ماڵاوا ئەزیزەکەم
شاخ و گرد و هەرد دەکێڵم سا ماڵاوا ئەزیزەکەم
ئاخ بۆ ئامانجی ڕۆژی ڕووناک ڕێگای تاریکی دەکێڵم
بەجێت دێڵم
بەجێت دێڵم

دەبا بمرم لە ڕێگای عیشق و ئازادی دڵ بە خوێنە
جامی شەرابی بە مەی بە دەستی خۆت بیڕێژێنە
بەجێت دێڵم
بەجێت دێڵم
ئاخ بۆ دوا جارە بەجێت دێڵم سا ماڵاوا ئەزیزەکەم
شاخ و گرد* و هەرد دەکێڵم سا ماڵاوا ئەزیزەکەم
ئاخ بۆ ئامانجی ڕۆژی ڕووناک ڕێگای تاریکی دەکێڵم
بەجێت دێڵم
بەجێت دێڵم

گەر بە جل و بەرگی سپی ئاخ بە بێ ڕۆح هاتە بەر چاوم
بکەن بێنە شینم توخوا یاران بێتە گفتوگۆ کوژراوم
بەجێت دێڵم
بەجێت دێڵم
بۆ دوا جارە بەجێت دێڵم سا ماڵاوا ئەزیزەکەم
شاخ و گرد و هەرد دەکێڵم سا ماڵاوا ئەزیزەکەم
ئاخ بۆ ئامانجی ڕۆژی ڕووناک ڕێگای تاریکی دەکێڵم
بەجێت دێڵم
بەجێت دێڵم

*= گۆرانیبێژ بە هەڵە ئەو وشەیە بە “گەرد” بێژە دەکات.

لە بەختی تاری شەو ناکەم شیکایەت
شەبیهە چونکە بەو زوڵفە سیایەت
نییە قابیل برینی ڕاهی دووری
وەکوو پرچت کشاوە بێنیهایەت

کە تیری نێونیگات چەرخانە ئینسان
قەفەس خاڵی ئەکا مورغی دیرایەت
لە چاوی بەد، خوا عومری جوانی
قەبوڵ کا لێم بە پاداشتی ویقایەت

هووەیدایە لە ڕەنگی ئاڵی دەستت
کە داییم پیشەتە قەتڵ و جینایەت
هەتا کەی بادەنۆشێ عاشقی تۆ
هەتا کەی، بێ مەزەی ماچی کیفایەت؟

دەخیلت بم هومای زوڵفینی دولبەر
بەسەر سەرما بکێشە فەیزی سایەت
بە گۆران ناکرێ قەت دەرکی سەودا
کلا نابم لەسەر جادەی هیدایەت

هۆنراوە: گۆران