لەبەر نازی چاوبازان قوربان خواردن و خەوم نەماوە

بە تیری تیرەندازان چی بکەم جەرگم بڕاوە

بەس عومری من بە بادە، ڕووت بێنە و زولفت لادە

دڵ بۆیە نامورادە، بەو شەوە ڕۆژ گیراوە

زولفت جێی بێقەراران، ڕووت ڕۆژی شەوبێداران

ئامان ئەی شای گوڵزاران، ڕەحمێک تا ڕۆحم ماوە

ڕۆڵە غەم دەوامی زۆرە، زوو ئەڕوا لە دڵ سەیر و سەفا

ئولفەتم گرتووە بە کوێری لەگەڵ عیللەت قەت نییە چارە و شیفا

بەرد ئەبارێنێ بە سەرما چەرخی بێ ڕەحم و وەفا

بەرد ئەبارێنێ بە سەرما چەرخی بێ ڕەحمی و وەفا

هاتم بە بۆنەی* خاڵت، تووشی داوی زولفت بووم

تەیرێکی نابەڵەد بووم نەمزانی دانەی داوە

وەقتێ ئارەق دەڕێژێ بۆ کوشتنی وەفایی

بە گوڵی کوڵمت سوێند ئەخۆم گەردن شووشەی گوڵاوە

شێت و شەیدا و سەحرایی، دەگریم هەروەک وەفایی

چی بکەم لە دڵەی سەودایی، پەرییان دەستیان لێداوە؟

لەبەر نازی چاوبازان قوربان خواردن و خەوم زووخاوە

بە تیری تیرەندازان چی بکەم جەرگم بڕاوە

*= لێرەدا گۆرانیبێژ بە هەڵە “دانە” دەڵێت

بۆ بێدەنگی کێ وەکوو من خۆشی ویستووی
کێ وەکوو من هۆنراوەی جوانی بۆ وتووی
بۆ بێدەنگی بۆ بێدەنگی

کام نهێنی لە ناو دڵتا حەشار ئەدەی
تا کەی بەرگەی پرسیارێکی بێسەرەتا لە دەروونی خۆتا ئەخەی
دە بدوێ با گوێم لە ئاوازی دەنگت بێ
بۆ بێدەنگی بۆ بێدەنگی

لەسەر سنگی خۆت بمنوێنە
با سەری پڕ لە ئەندێشەم فێری خەوی سەر سنگت بێ
فێرم کە با گەورەتر بم لەو خەمەی کە سەرم ئەخوات
فێرم کە با بەهێزتر بم لەو گێژاوەی هەر نازانم بۆ کوێم ئەبات
بۆ بێدەنگی بۆ بێدەنگی

ئەو شیعرانەی بۆ تۆی ئەڵێم خورپەی دڵی شاعیرێکن
ترپەی دڵی شاعیرێکن
تەنیا شێعر و خۆشەویستی تۆ شک ئەبات
کەی ئەیگەیتێ ئەوە عەشقت بۆتە گڕ و ئاگر لە گیانی بەر ئەدات
بۆ بێدەنگی بۆ بێدەنگی
کێ وەکوو من خۆشی ویستووی
کێ وەکوو من هۆنراوەی جوانی بۆ وتووی

Bo bêdengî kê wekû min xoşî wîstûy
Kê wekû min honrawey ciwanî bo witûy
Bo bêdengî bo bêdengî

Kam nihênî le naw dilta heşar edey
Ta key bergey pirsiyarêkî bêsereta le derûnî xota exey
De bidwê ba gwêm le awazî dengit bê
Bo bêdengî bo bêdengî

Leser singî xot bimniwêne
Ba serî pir le endêşem fêrî xewî ser singit bê
Fêrim ke ba gewretir bim lew xemey ke serim exwat
Fêrim ke ba behêztir bim lew gêjawey her nazanim bo kwêm ebat
Bo bêdengî bo bêdengî

Ew şî’raney bo toy elêm xurpey dilî şaîrêkin
Tirpey dilî şaîrêkin
Tenya şê’ri û xoşewîstî to şik ebat
Key eygeytê ewe eşqit bote gir û agir le giyanî ber edat
Bo bêdengî bo bêdengî
Kê wekû min xoşî wîstûy
Kê wekû min honrawey ciwanî bo wtûy