نەمردم من ئەگەر ئەمجارە بێ تۆ
نەچم شەرتە هەتا ئەم خوارە بێ تۆ
دەروونم خاڵییە وەک نەی دەناڵم
هەوارێکی چ پڕ هاوارە بێ تۆ

قەسەم بەو شەربەتی دیداری پاکت
شەرابم عەینی ژەهری مارە بێ تۆ
لە کن تۆ خار و خەس گوڵزارە بێ من
لە لای من خەرمەنی گوڵ خارە بێ تۆ

بیناییم کوێرە هەڵنایە بە ڕووی کەس
موژەم یەک یەک ئەڵێی بزمارە بێ تۆ
لە لای من با وجوودی ناس و ئەجناس
کەسی تێدا نییە ئەم شارە بێ تۆ

هەموو ڕۆژێ لە تاو هیجرانی ئەمساڵ
تەمەننای مردنی پێرارە بێ تۆ
هەتا تۆم ئاشنا بووی، ئاشنام بوون
ئەمێستا موو بە مووم ئەغیارە بێ تۆ

Nemirdim min eger emcare bê to
Neçim şerte heta em xware bê to
Derûnim xalîye wek ney denalim
Hewarêkî çi pir haware bê to

Qesem bew şerbetî dîdarî pakit
Şerabim eynî jehrî mare bê to
Le kin to xar û xes gulzare bê min
Le lay min xermenî gul xare bê to

Bînayîm kwêre helnaye be rûy kes
Mujem yek yek elêy bizmare bê to
Le lay min ba wicûdî nas û ecnas
Kesî têda nîye em şare bê to

Hemû rojê le taw hîcranî emsal
Temenay mirdinî pêrare bê to
Heta tom aşina bûy, aşinam bûn
Emêsta mû be mûm exyare bê to