By - نەجمەدین غوڵامی Necmedîn Xulamî
ئەی باڵداری ئێسک سووک
بولبولی دەنووک بچووک
باخچە بە باخچە ئەفڕی
وچانێکی لێ ئەگری
کام سەرچڵ دڵت گرتی
دەنگی لێ هەڵئەبڕی
کام ئاوازە شیرینە
ڕووناکی و نەشئەی ژینە
بە چوار دەوریا ئەپژێنی
دنیا پێ ئەکەنێنی
لە گەرووە بچکۆلانە
ئەم نەغمە بەرز و جوانە
چۆن دێتە دەر؟ چۆن ئەڕژێ؟
وا گیان ئەسمێ، هۆش ئەمژێ؟
منیش دەروونم شاد بێ
ملم لە بەند ئازاد بێ
دەور و پشتم گوڵزار بێ
عومرم یەکسەر بەهار بێ
پەرداخی ئاوم گوڵ بێ
جێی حەسانەوەم چڵ بێ
عەشقم وەک عەشقت پاک بێ
پڕ لە هیوا و ڕووناک بێ
ئەبەدی بێ و پڕجۆش بێ
ئەوەندەی هی تۆ خۆش بێ
منیش ئەی مەلی پیرۆز
بە یەک چریکەی پڕسۆز
بەستەی وات بۆ ئەخوێنم
کە جوان جوان بیلەرزێنم
ڕووی کام گۆم شین و مەنگە
کام درەخت شۆخ و شەنگە
کام شاخ کە سەخت و بەرزە
بیخەمە بوومەلەرزە
کام ئاسمان بێ بنە
ناخی پڕ کەم لە شنە
Play 
Pause 
زیادکردن بە ڕیزبەندی 
داگرتن 
By - عەلی زەندی Elî Zendî
ئەی باڵندەی ئێسک سووک
بولبولی دەنووک بچووک
باخچە بە باخچە ئەفڕی
وچانێکی لێ ئەگری
هێز و توانای لێ بڕیوم ژیانی نالەبارم
ناوێرم تاوێ بژیم لە بەر زمانی بەدکارم
منیش لای خۆم هەمیشە
شێعرم کردووە بە پیشە
کام بەستە کام گۆرانی
سیحری ڕووتە، ئەیزانی؟
هێز و توانای لێ بڕیوم چەرخی کۆنی زەمانە
نازانم لە کوێ بژیم بۆیە دڵەکەم وەیلانە
منیش دەروونم شاد بێ
ملم لە بەند ئازاد بێ
عومرم یەکسەر بەهار بێ
عومرم یەکسەر بەهار بێ
هێز و توانای لێ بڕیوم کردەوەی ڕۆژگارم
دڵسۆزی سووتاندمی بۆیە لە خۆم بێزارم
منیش ئەی مەلی پیرۆز
بە یەک چریکەی پڕ لە سۆز
بەستەی وات بۆ ئەخوێنم
کە جوان جوان بلەرزێنم
هێز و توانای لێ بڕیوم ژیانی نالەبارم
ناوێرم تاوێ بژیم لە بەر زمانی بەدکارم
ئەی باڵندەی ئێسک سووک
بولبولی دەنووک بچووک
باخچە بە باخچە ئەفڕی
وچانێکی لێ ئەگری
هێز و توانای لێ بڕیوم کردەوەی ڕۆژگارم
دڵسۆزی سووتاندمی بۆیە لە خۆم بێزارم
#سپاس بۆ هاوار
