شیرینەکەم ژووری تەنیام ئەمشەو بۆ غەریبیم ئەگری
چرپای خەم لێ نیشتووی جێگام خامۆشی وا لە چواردەوری

چاوەڕوانی کورسی چۆڵم تۆوی بێزاری ئەچێنێ
گڵۆپی کزی ناو هۆڵم فرمێسک بە بێدەنگ ئەڕژێنێ
پەنجەرەکان خۆڵی ڕۆژان لەسەر شووشەی چاویان بارە

شیرینەکەم ئەمشەو ژیان وەک ماڵە‌کەم چۆڵ ‌و تارە
وێنەی پارم لێوی گاڵتە لە ئێستام هەڵئەقورتێنێ
گڕی خەیاڵ بۆ ئەو کاتە جەرگی ئەمشەو ئەسووتێنێ
شیرینەکەم ژووری تەنیام ئەمشەو بۆ غەریبیم ئەگری
چرپای خەم لێ نیشتووی جێگام خامۆشی وا لە چواردەوری

Şîrînekem jûrî tenyam emşew bo xerîbîm egrî
Çirpay xem lê nîştûy cêgam xamoşî wa le çiwardewrî

Çawerwanî kursî çolim towî bêzarî eçênê
Gilopî kizî naw holim firmêsk be bêdeng erjênê
Pencerekan xolî rojan leser şûşey çawyan bare

Şîrînekem emşew jiyan wek malekem çol û tare
Wêney parim lêwî galte le êstam helequrtênê
Girî xeyal bo ew kate cergî emşew esûtênê
Şîrînekem jûrî tenyam emşew bo xerîbîm egrî
Çirpay xem lê nîştûy cêgam xamoşî wa le çiwardewrî