ئەی خانم خانم خانمۆڵێ

یارەکەی جوان و ناسکۆڵێ

ئەستێران دەژمێرم شەوێ

خەو بێ و لە چاوم ناکەوێ

دڵ شەیدایە و لەیلێی ئەوێ

خزمینە لۆمەی من مەکەن

فەریادی دڵ بۆ لەیلێ بەن

کوژراوم تانەم لێ مەدەن

دڵی هەژار چۆن بسرەوێ

چاو چۆن بڕواتە ناو خەوێ

وەسڵ و دیداری لەیلی ئەوێ

ئەی خانم خانم خانمۆڵێ

یارەکەی جوان و ناسکۆڵێ

عاشقی چاوانی کەژاڵم

موشتەری دوو لیمۆی کاڵم

مەجنوونی دیدەی غەزاڵم

زەردەخەنەی لێوەکانی

نەمدی گۆشەی چاوەکانی

بەندی زوڵفە خاوەکانی

چی بکەم ئێستا کە مەهجوورم

چوون لە باڵای لەیلێ دوورم

لە کوێیە دۆستی مەغدوورم

ئەی خانم خانم خانمۆڵێ

یارەکەی جوان و ناسکۆڵێ

قەومینە دەردم گرانە

هەر پەیدایکەن ئەو لوقمانە

دەوای دەردم *؟؟؟

*؟؟؟=لێمان ڕوون نییە کە گۆرانیبێژ لەوێدا چ دەڵێ، ئەگەر دەیزانن تکایە پێمانی بڵێن

زۆر سپاس

ئازیز ئاخ ئازیز
لە گەرووتانا ڕەشەبای سلێمانین
لەسەر سنگتان تاشە بەردی ئاگری داغین
لە چاوتانا شاڵاوی بابەگوڕگوڕین
لە دڵتانا سەهۆڵبەندانی سابڵاخین
لێتان لێتان نابینەوە

ئاخ ئازیز ئاخ
لە چاوتانا شاڵاوی بابەگوڕگوڕین
لە دڵتانا سەهۆڵبەندانی سابڵاخین
لێتان لێتان نابینەوە

وەک چۆن هەڵۆ لە نێچیری نابێتەوە
وەک چۆن تۆڕ لە ماسی نابێتەوە
وەک چۆن ئاگر لە کا و پووش نابێتەوە
کاوە لە چارەنووسی ئەژدەهاک
گۆڕ لە مردوو
لافاو لە هێزی ڕاماڵین
سەرکەوتنمان لە هەندرێن نابێتەوە
لێتان لێتان نابینەوە
لێتان نابینەوە

بە‌و مانگە‌ی قە‌سە‌م خەرمانە‌ی داوە
هێشتا مە‌یلی تۆم عەزیزە‌کە‌م بە ‌کە‌س نەداوە

نازدار نازدار یار/گیان دەردت لە‌ من یار
خۆ من شێتی تۆم کوا مە‌یلی پار
یاری جە‌فاکار

بێشەرتی بێقەول بێوەفا بێپۆ
دێوانە‌گی بوو عە‌زیزە‌کە‌م مە‌یلم دا بە تۆ

نازدار نازدار گیان دەردت لە من یار
خۆ من موبتەلام کوا مە‌یلی پار
یاری جە‌فاکار
نازدار نازدار یار دەردت لە من یار
خۆ من شێتی تۆم کوا مە‌یلی پار
یاری جە‌فاکار

شە‌وان شە‌وناڵە ڕۆژان ڕۆڕۆمە
ئێجگار پە‌ژارە‌ی عە‌زیزە‌کە‌م دوورییە‌کە‌ی تۆمە

نازدار نازدار یار دەردت لە من یار
خۆ من شێتی تۆم کوا مە‌یلی پار
یاری جە‌فاکار