site loader
Song image
کوڕی بابە گوڕگوڕ و بابە مەڕۆ

By - حەمە جەزا Heme Ceza

مەقام
ئەی ڕەشەبای لە پاشکۆدا خۆر سوار کردوو
ئەوەی جارێ گوڵاڵە سوورەی چاوڕەشی ڕەحیماوا و مناڵانی سەر قۆچکەتاشی لەیلان و کێڵگەی برسی دووزی دیبێ
تۆ ئەناسێ
تۆ ئەناسێ
کۆ بنەوە و هەستنە سەر پێ سەر هەڵبڕن
بازێک شەڵالی خوێناوە و تۆزێکی تر بەمناوەدا تێ ئەپەڕێ
ڕووەو قەندیل بەسەر هەورازی شەختەدا نزم ئەفڕێ
هەتا ئەگاتە سەر لوتکە و ئەچێ لەوێ و لە پەڵە خوێنی نازمدا بە هێواشی ڕائەکشێ

ڕێگە چۆڵ کەن هەستنە سەر پێ
زریان گڤەی ون کردووە و بۆی ئەگەڕێ
گرمیان کوورەی کاوەیە و جۆش دراوە
تەماشا کەن هەرچی گردۆڵکەی پێدەشتی لەش چنراوە وەکوو دایکانی وڵاتەکەم بنچکی قژ و ئەگریجەی گژ و گیایان لە ملیاندا ئاڵۆسکاوە
مامە ڕیشە ئەی پڵنگی چنگ بە گڕی گەرمیانم
بەیتی تازەی توحفەی ئەمڕۆی کوردستانم
لە ماڵانی گوند بە گوندی هەڵقرچاوا
تۆ قوتیلکەی بەر هەیوانی
داسی دروێنەوە و هەتاوی سەر بانیژەی زستانانی
مانگەشەوی هێشوی ڕەزی، هاژەی چەم و وژەوژی دارستانی
ئاگری شوانی، وەکوو باران وەکوو کانی وەک دەغڵ و دان خۆشەویستی
تۆ کوڕی بابە گوڕگوڕی، داستانێکی سەدی بیستی

گۆرانی
مەڕۆ مەڕۆ بابە مەڕۆ بۆ جێمان دێڵی
تا کەی ژیان بەرینە سەر هەروا بە وێڵی
تا کەی خەمی ئەم میللەتە بگرینە باوەش
تا کەی لە سۆزی باوکێتی ئەمانکەی بێبەش

ئەڕۆم ئەڕۆم ئەڕۆم
ئەڕۆم ئەڕۆم بێناز مەبن وردیلەکانم
تا سەربەستی وەدەست دێنم بۆ کوردستانم
ئەڕۆم ئەڕۆم زویر مەبن وردیلەکانم
تا سەربەستی وەدەست دێنم بۆ کوردستانم
تاکوو نەخشەی ئەم وڵاتە نەگۆڕینەوە
دڵنیا بن ڕۆڵەکانم ناگەڕێینەوە

مەڕۆ مەڕۆ بابە مەڕۆ ئێمەش ڕێت ئەگرین
مەتارەی ئاو چارۆکەی نانتان بۆ هەڵدەگرین
ژیانی شار مانەوەمان ئەم ماڵ ئەو ماڵە
ڕاکردنە ئەشکەنجەیە ژەهرێکی تاڵە

کۆپی کردن بێ ئاماژەدان بە سەرچاوە قەدەغەیە
More