لە بۆی زوڵفی تۆ مەفتوونم، مەفتوونم ئەی گوڵ
لە ڕەنگی ڕووی تۆ دڵخوونم، دڵخوونم ئەی گوڵ

منی عاشق لە عەشقت بێقەرارم
ئەتۆ وەک لەیل و من مەجنوونم ئەی گوڵ

وەرە ڕۆژێ کە دیدارت ببینم
بە دیدارت خەریکی گوڵچنینم
لەلام بێ دابنیشە مانگ و ساڵان
هەتا تێرت ببینم نازەنینم

بە سەر ڕووتا زوڵف قەپ قەپ ڕژاوە
کەوا سونبول بە گوڵ تێکەڵ کراوە
پەرێشان چۆن ئەکەی تۆ تاری زوڵفت
بە هەر تارێ دڵێ هەڵواسراوە