تاڵێک لە زوڵفت هات بە دەسمەوە
بەندی دڵ دەپسێ پێی دەبەسمەوە
ئەی وەی لەرزانە چاوم لەرزانە
لەرزانەکانی لەرزم لێ دێنێ
قەستییە بە چاوان جەرگم دەربێنێ

چەن شاران گەڕام، چەن خاکەساری
بووم بە شوانەکەی حەق نادیاری
ئەی وەی لەرزانە چاوم لەرزانە
لەرزانەکانی لەرزم لێ دێنێ
قەستییە بە چاوان جەرگم دەربێنێ

بە لای کێ بڕۆم دەس وە زامەوە
کێ دەرمانی کا شەو بە لامەوە
ئەی وەی لەرزانە چاوم لەرزانە
لەرزانەکانی لەرزم لێ دێنێ
قەستییە بە چاوان جەرگم دەربێنێ