سەدای سەمتوورە کەللەم گەرمە ئەمشەو
چریکەی بانگی دڵ بێ شەرمە ئەمشەو
بەناخون کاری فەرهاد دێ لە دەستم
وەها شاهۆ لە ناڵەم گەرمە ئەمشەو
لە تەنیایی بە یادی ڕووحی مەجنوون
خەیاڵی گەشتی دەشت و دەرمە ئەمشەو
غوباری خاکی وا حەق گەر بەهەشت بێ
لە دەرگای تۆ خەبەر ئاوەرمە ئەمشەو
ئەگەرچی یار و یاوەر بوون بە دوژمن
خەمی بێ یاوەری یاوەرمە ئەمشەو
لە دەوریشم گەڕا پەروانە ناکام
لە سەر ڕێی وەسڵی نووری هیجرە ئەمشەو
کە چونکە بۆی ویساڵی تۆی تییایە
نەسیمی سوبح خەبەر ئاوەرمە ئەمشەو
سەدای سەمتوورە کەللەم گەرمە ئەمشەو
چریکەی بانگی دڵ بێ شەرمە ئەمشەو
بەناخون کاری فەرهاد دێ لە دەستم
وەها شاهۆ لە ناڵەم گەرمە ئەمشەو
Play 
Pause 
زیادکردن بە ڕیزبەندی 
داگرتن 
By - هانی موجتەهیدی Hanî Muctehîdî
ئەمشەو هاتم لە تۆم پرسی وتیان ئێرەی جێهێشتووە
نامەیێکی بۆ جێهێشتووی وێنەی تۆی لەسەر کردووە
بە هێمنی، زۆر لە سەرخۆ نامەی ئەو شێتەم کردەوە
لە سەرەتا وای نووسیبوو تۆ عەشقت لە من بردەوە
نەیزانی کە من لەو زیاتر عەشق هۆشی لێ بڕیوم
عەشق باڵی وای پێگرتووم بۆ هێڵانەی خەم فڕیوم
ئەمشەو هاتم لە تۆم پرسی وتیان ئێرەی جێهێشتووە
نامەیێکی بۆ جێهێشتووی وێنەی تۆی لەسەر کردووە
لە خۆشییا نەمەزانی نامە یا خود وێنە ماچ کەم
وای لێکردم ئەم نامەیە کە نەتوانم لەبیرت کەم
نەیزانی کە من لەو زیاتر عەشق هۆشی لێ بڕیوم
عەشق باڵی وای پێگرتووم بۆ هێڵانەی خەم فڕیوم
ئەمشەو هاتم لە تۆم پرسی وتیان ئێرەی جێهێشتووە
نامەیێکی بۆ جێهێشتووی وێنەی تۆی لەسەر کردووە
