site loader
Song image
ئەی خودا لەم ئاگربارانە – ئەسعەد قەرەداغی

By - ئەسعەد قەرەداغی

قوربانت بم ئەی بای شەوێ
خەو بێ لە چاوم ناکەوێ
دڵ مەجنوونە و لەیلی دەوێ
ئەی خودا لەم ئاگربارانە بارانە بارانە
یار بە بێ تۆ ماڵم وێرانە وێرانە چاوجوانە

لەگەڵ تۆمە چاوی چاوم
لەسەر تۆ زۆریان لێداوم
لای من وایە خەڵات کراوم
ئەی خودا لەم ئاگربارانە بارانە بارانە
یار بە بێ تۆ ماڵم وێرانە وێرانە چاوجوانە

کۆپی کردن بێ ئاماژەدان بە سەرچاوە قەدەغەیە
More
Song image
کۆمەڵە شاخێ سەخت و گەردنکەش – ئەسعەد قەرەداغی

By - ئەسعەد قەرەداغی

کۆمەڵە شاخێ سەخت و گەردنکەش
ئاسمانی شینی گرتووەتە باوەش
سەرپۆشی لوتکەی بەفری زۆر سپی
بە دارستان ڕەش ناودۆڵی کپی
جۆگەی ئاوەکان تیایا قەتیس ماو
هەر ئەڕۆن ناکەن* پێچی شاخ تەواو
کۆمەڵە شاخێ سەخت و گەردنکەش
ئاسمانی شینی گرتووەتە باوەش

کۆمەڵە شاخێ سەخت و گەردنکەش
ئاسمانی شینی گرتووەتە باوەش
هاوار و هاژەی کەف چەڕێنی چەم
بۆ تەنیایی شەو لایەلایەی خەم
توولەڕێی باریک تووناوتوون پشکن
ڕێبوار ئەخاتە ئەندێشيی بێ بن
ناو ڕێگا تەق تەق لاڕێ بەردی زل
کە هێشتا گەردوون پێی نەداوە تل
کۆمەڵە شاخێ سەخت و گەردنکەش
ئاسمانی شینی گرتووەتە باوەش

گا سەرەوژوورە گا سەرەوخوارە
تاڵی و شیرینیی دنیای ڕێبوارە
پێش ئەوەی بگەی بە ئاواتی دێ
ئەکشێتە ناو باخ توولەماری ڕێ
شنەی سێبەری داری گوێز و توو
ئەسڕێ ئارەقی ڕێبواری مانوو
کۆمەڵە شاخێ سەخت و گەردنکەش
ئاسمانی شینی گرتووەتە باوەش

*= لە هۆنراوەی مامۆستا گۆراندا “ناکەن” هاتووە بەڵام گۆرانیبێژ بە هەڵە بە “ناگەن” دەیخوێنێت

کۆپی کردن بێ ئاماژەدان بە سەرچاوە قەدەغەیە
More
Song image
تەنکە – ئەسعەد قەرداغی

By - ئەسعەد قەرەداغی

تەنکە مەڕۆ لە دواتم
ڕووتم نەدیوە تەنکە گیان عاشقی باڵاتم
تەنکە کچێ تەنکە ئەرێ تەنکە مەڕۆ لە دواتم
ڕووتم نەدیوە تەنکە گیان عاشقی باڵاتم
تەنکە کچێ تەنکە گیان

فەلەک شێوەی تۆی لە کوێ هێناوە؟
لە مانگ شیرینتر نەخشەی کێشاوە
تەنکە کچێ تەنکە ئەرێ تەنکە مەڕۆ لە دواتم
ڕووتم نەدیوە تەنکە گیان عاشقی باڵاتم
تەنکە کچێ تەنکە گیان

هەستە بێرە لام قەت مەڕۆرەوە
غەمی سەد ساڵەم لەبیر بەرەوە
تەنکە کچێ تەنکە ئەرێ تەنکە مەڕۆ لە دواتم
ڕووتم نەدیوە تەنکە گیان عاشقی باڵاتم
تەنکە کچێ تەنکە گیان

کۆپی کردن بێ ئاماژەدان بە سەرچاوە قەدەغەیە
More