Leylanê buhar e çîçekê bihare
Tav derketiye de tu were
Buhar e rengîn e gul jî bengîn e
Leylanê were halê min tu nîn e
Ax de Leylan, Leylan, Leylan emirê min î
Tu şemal î, diteysî, şewqa te da dilê min
Boy wê şewqê wez şewitîm, were Leylan mala min

Leylanê sorgulê sosinê bihar e
Dilê min kerba zarezar e
De tu were Leylanê zûke
Min nehêle vira tenê vê biharê
Bi vê xemê dilşikestî, stûxwar e
Ax de Leylan, Leylan, Leylan emirê min î
Ava zelal dixulxule, wekî dilê te nîn e
Gerdenzerê, gula dinê, biha bê te tu nîn e

Leylanê neçe, nazdarê neçe, ne tu were
neçe, neçe, neçe, were Leylan
De tu were neçe Leylan, were Leylan bextê te me
Dinya ronî bê te mi re heram e
Ax de Leylan, Leylan, Leylan… emirê min î
Gera golê min kon danî, wez heyîbîm ji kerbê te
Gulê bedew pir vebûne, dîsa ketim bextê te

لەیلانێ بوھارە چیچەکێ بھارە
تاڤ دەرکەتیە دە تو وەرە
بوھارە رەنگینە گول ژی بەنگینە
لەیلانێ وەرە ھالێ من تو نینە
ئاخ دە لەیلان، لەیلان، لەیلان ئەمرێ منی
تو شەمالی، دتەیسی، شەوقا تە دا دلێ من
بۆی وێ شەوقێ وەز شەوتیم، وەرە لەیلان مالا من

لەیلانێ سۆرگولێ سۆسنێ بھارە
دلێ من کەربا زارەزارە
دە تو وەرە لەیلانێ زووکە
من نەھێلە ڤرا تەنێ ڤێ بھارێ
ب ڤێ خەمێ دلشکەستی، ستووخوارە
ئاخ دە لەیلان، لەیلان، لەیلان ئەمرێ منی
ئاڤا زەلال دخولخولە، وەکی دلێ تە نینە
گەردەنزەرێ، گولا دنێ، بھا بێ تە تو نینە

لەیلانێ نەچە، نازدارێ نەچە، نە تو وەرە
نەچە، نەچە، نەچە، وەرە لەیلان
دە تو وەرە نەچە لەیلان، وەرە لەیلان بەختێ تە مە
دنیا رۆنی بێ تە م رە ھەرامە
ئاخ دە لەیلان، لەیلان، لەیلان… ئەمرێ منی
گەرا گۆلێ من کۆن دانی، وەز ھەییبیم ژ کەربێ تە
گولێ بەدەو پر ڤەبوونە، دیسا کەتم بەختێ تە