دنیا خەمە، ژیان ژانە، بۆ شارەکەی بەهاری سوور

هیرۆشیمای کوردستانە، هەڵەبجەی دایکی شارەزوور

کۆرپە بە بێشکەو لانکەوە، منداڵ بە سینگی دایکەوە

بۆ یادی نەورۆزی ئەمساڵ، سووتان و بوون بە کۆی زووخاڵ

مەرجە هەموو بەرد و داری، هەڵەبجەی تینووی ڕزگاری

دەکەینە خەنجەری تۆڵەی، بەرپشتێنی کوردەواری

ئه‌گه‌ر دایه، به تێکۆشان له ڕێی مافی گه‌ل و ئه‌و خاکه‌دا مردم (دایه گیان)

نه‌ڵێی مه‌رگی کوڕم، تووشی په‌ژارە و شیوەنی کردم (دایه گیان)

دەبێ ئه‌و کاته دڵشاد بی که کورد و باوەڕی به‌رزی

به سه‌ربه‌رزی، له باوەشتا، به‌رەو ئه‌م ڕێگه‌یه‌ی بردم (دایه گیان)

ئەی تریفەی مانگەشەوی زیوینی ئاسمان

بۆ بە تۆسقاڵ، جاربەجارێ، خۆت ئەدەی نیشان؟!

دەربکەوە ڕووناکی پاک بەرە سەرینم

بۆم ڕووناکە زیندانی تار ژووری کەمینم؟!

ئەوە زنگی ژووری تاری تارمایی زیندان

هاودەنگمە و مۆسیقامە بۆ شەوی لێدان

ئەوە ئێستا پێچەوانە من لە جیاتی تۆ

لە قەفەسدام ئێشکچێتیم گرتۆتە ئەستۆ

بەڵێ دەردم زۆر گرانە، پەرۆشە گیانم

بۆ ئامانج و بۆ هیوایە، بەندی زیندانم

تا ئەو رۆژەی چوار ئێسکەکەم دەخرێتە ناوچاڵ

بۆ کوردستان دەسووتێم و دەبم بە زووخاڵ

ھۆنراوەی یەکەم: #ڕەزا_حەمە

ھۆنراوەی مەقامی یەکەم: #حەمەعەزیز

ھۆنراوەی گۆرانی: #ساڵح دیلان

دەنگ: #ناسر_ڕەزازی

Dinya xeme, jiyan jane, bo şarekey beharî sûr

Hîroşîmay kurdistane, helebcey daykî şarezûr

Korpe be bêşkew lankewe, mindal be sîngî daykewe

Bo yadî newrozî emsal, sûtan û bûn be koy zûxal

Merce hemû berd û darî, helebcey tînûy rizgarî

Dekeyne xencerî toley, berpiştênî kurdewarî

Eger daye, be têkoşan le rêy mafî gel û ew xakeda mirdim (daye giyan)

Nelêy mergî kurrm, tûşî pejare û şîwenî kirdim (daye giyan)

Debê ew kate dilşad bî ke kurd û bawerî berzî

Be serberzî, le baweşta, berew em rêgeyey birdim (daye giyan)

Ey tirîfey mangeşewî zîwînî asman

Bo be tosqal, carbecarê, xot edey nîşan?!

Derbikewe rûnakî pak bere serînim

Bom rûnak ke zîndanî tar jûrî kemînim?!

Ewe zingî jûrî tarî tarmayî zîndan

Hawdengme û mosîqame bo şewî lêdan

Ewe êsta pêçewane min le cyatî to

Le qefesdam êşkçêtîm girtote esto

Belê derdim zor grane, peroşe giyanim

Bo amanc û bo hîwaye, bendî zîndanim

Ta ew rojey çwar êskekem dexrête naw çal

Bo kurdistan desûtêm û debim be zûxal