ئەی فەلەک ڕاستۆ نەبی بۆ هیچ و پووچی دەورەکەت
گورگ ئەبێتە شوانی ڕان و دز ئەبێتە ئەولیا

گوڵ ئەگەر عەقڵی هەبێ قەت سەر لە خاک ناکاتە دەر
چونکە ڕۆژی دڕک و داڵە، گەرمی بازاڕی گیا

بێ حەیایی باوە ئەمڕۆ قوڕ بەسەردا کا حەیا
کەندەڵان سەربەرزە وشادە خۆ بشارێتۆ چیا

گەوهەرێ گیان گەوهەرێ با غەم بڕوا شادی بێ
سۆزی ڕاز و ئەوینت، کچێ با ئەسپایی و ئەستەم دێ
خۆشی لەو وڵاتەیدا، کچێ بە زۆر دەڕوا و بە کەم دێ
ئەو ڕۆژەم لە خودا دەوێ، وەی گەر فەیزێکت بۆ دڵ بێ

لە یاری خۆم زیز بووم، وەی لە عالەم وایە گێژم
سەودایە لە سەری دام ، کچێ وەک بولبولان دەبێژم
چ برین لە خۆم شک نابەم گوڵم، وەی بێ برین خوێناو دەڕێژم

گەوهەرێ گیان گەوهەرێ چاو باز و ئەبرۆ کەوان
له گەردنی خۆت وەرداوە کچێ، لەعل و یاقوت و مەرجان
شێخی سەنعان بتبینێ گوڵم، وەی بۆت لا دەدا لە ئیمان

Ey felek rasto nebî bo hîç û pûçî dewreket
Gurg ebête şwanî ran û diz ebête ewliya
Gul eger eqlî hebê qet ser le xak nakate der
Çunke rojî dirk û dale, germî bazarî giya

Bê heyayî bawe emro qur beserda ka heya
Kendelan serberze û şade xo bişarêto çiya

Gewherê giyan gewherê ba xem birwa şadî bê
Sozî raz û ewînit, kiçê be espayî û estem dê
Xoşî lew wilateyda, kiçê be zor derwa û be kem dê
Ew rojem le xuda dewê, wey ger feyzêkit bo dil bê

Le yarî xom zîz bûm, wey le alem waye gêjim
Sewdaye le serî dam, kiçê wek bulbulan debêjim
Çi birîn le xom şik nabem gulim, wey bê birîn xwênaw derêjim

Gewherê giyan gewherê çaw baz û ebro kewan
Le gerdinî xot werdawe kiçê, leli û yaqut û mercan
Şêxî Senan bitbînê gulim, wey bot la deda le îman