دەڵێن لێو ئاڵ لێم زیزە بە کەس ئاشت نابێتەوە
کەژاڵ چووەتە سەفەرێ دوعام بۆ بکەن بێتەوە
لە خودای دەکەم تەڵەبێ لەگەڵم ئاشت بێتەوە
ئای گەردم گیانم گەردە، گەردن هەڵاڵەی زەردە
وەرە مەرد و مەردانە دەست لە بەدکاران بەردە

ئەرێ دەتفەرموو بۆ تۆ نابم چۆنی تۆ دەڵێی وا بم
کەوتبوومە بەندیخانێ جا بە یادی تۆوە مابووم
ڕەبێ کۆستی دڵ کەوێ گەر ساتێک لێت جودا بم
ئای گەردم گیانم گەردە، گەردن هەڵاڵەی زەردە
وەرە مەرد و مەردانە دەست لە بەدکاران بەردە

خزم و قەومم بەجێهێشت لە دەشتی شاروێرانی
دەچنن سوێسن و حەڵالە کیژۆڵەی کوردستانی
بڵێن بە لەیلای ئازیز مەجنوون زەخمییە گیانی
مردنم چاترە لەو حاڵە نامەوێ زیندەگانی
ئای گەردم گیانم گەردە، گەردن هەڵاڵەی زەردە
دە وەرە مەرد و مەردانە دەست لەو بەدکارەی بەردە

زۆر لەمێژە لێم ونە ئەو دڵەم کەوتە وەسوەسە
لێو ئاڵم زۆر نەخۆشە کەوتووە و زۆر بێکەسە
ڕۆژێ جارێک بیبینم بۆ منی بێچارە بەسە
ئای گەردم گیانم گەردە، گەردن هەڵاڵەی زەردە
دە وەرە مەرد و مەردانە دەست لەو بەدکارەی بەردە

شێتی چاوی جوانی تۆم خودا بۆخۆی دەیزانێ
خۆ من وەک کاکە مانی عاشقی زینی بۆتانێم
هەڵوەدای چاوی ڕەشم لە گەرمێن و کوێستانێ
ئای گەردم گیانم گەردە، گەردن هەڵاڵەی زەردە
دە وەرە مەرد و مەردانە دەست لەو بەدکارەی بەردە

Delên lêw al lêm zîze be kes aşt nabêtewe
Kejal çuwete seferê duam bo biken bêtewe
Le xuday dekem telebê legelim aşt bêtewe
Ay gerdim giyanim gerde, gerdin helaley zerde
Were merd û merdane dest le bedkaran berde

Erê detfermû bo to nabim çonî to delêy wa bim
Kewtibûme bendîxanê ca be yadî towe mabûm
Rebê kostî dil kewê ger satêk lêt cuda bim
Ay gerdim giyanim gerde, gerdin helaley zerde
Were merd û merdane dest le bedkaran berde

Xizm û qewmim becêhêşt le deştî şarwêranî
Deçnin swêsin û helale kîjoley Kurdistanî
Bilên be Leylay azîz Mecnûn zexmîye giyanî
Mirdnim çatire lew hale namewê zîndeganî
Ay gerdim giyanim gerde, gerdin helaley zerde
De were merd û merdane dest lew bedkarey berde

Zor lemêje lêm wine ew dilem kewte weswese
Lêw alim zor nexoşe kewtuwe û zor bêkese
Rojê carêk bîbînim bo minî bêçare bese
Ay gerdim giyanim gerde, gerdin helaley zerde
De were merd û merdane dest lew bedkarey berde

Şêtî çawî ciwanî tom xuda boxoy deyzanê
Xo min wek kake manî aşqî Zînî Botanêm
Helweday çawî reşim le germên û kwêstanê
Ay gerdim giyanim gerde, gerdin helaley zerde
De were merd û merdane dest lew bedkarey berde