site loader
Song image

گوڵە گەزیزە

By - نەجمەدین غوڵامی Necmedîn Xulamî

گوڵه گەزیزه قژ زەردی لاپاڵ
نەرم رادەژێ باوانم بە دەم بای شەماڵ
له دەس ئەم ژینە، دەردە دڵیەتی
فرمێسکی ئاڵی، باوانم له سەر چڵیەتی
چقڵی ئاسنین،بسکی رنیوە
بەر له پشکووتن، باوانم خونچەی وەریوە
ئەڵێ لەو ساوە موژدەم دا بەهار
له زاغا رواوە باوانم سیمێکی خاردار
ئەو لقەی له نێو سیما رواوە
به بۆنی باڕووت باوانم سیس و ژاکاوە
ئەو لقەی ئەم دیو لەو دەریای نزار
جوانی ئەبەخشێ باوانم به بەژنی بەهار
له قەدی شاخا گوڕەی قەڵبەز دێ
قاسپه قاسپی کەو باوانم له ناو رەوەز دێ
له گەڵ گزینگی بەری بەیانی
تێکڕا ئەپژێنێ باوانم جیلوەی جوانی
رنووری دوندی کێو چۆڕ چۆڕ ئەسرینی
ئەڕژێنێ و ئەگری باوانم بۆ دوایی ژینی
بولبولی عاشق بەستەی دڵداری
بۆ گوڵی ئەڵێ باوانم دیاری بەهاری

Gule gezîze qij zerdî lapal
Nerim radejê bawanim be dem bay şemal
Le des em jîne, derde dilyetî
Firmêskî alî, bawanim le ser çilyetî
Çiqlî asinîn, biskî rinîwe
Ber le pişkûtin, bawanim xunçey werîwe
Elê lew sawe mujdem da behar
Le zaxa rwawe bawanim sîmêkî xardar
Ew liqey le nêw sîma rwawe
Be bonî barût bawanim sîs û jakawe
Ew liqey em dîw lew deryay nizar
Ciwanî ebexşê bawanim be bejnî behar
Le qedî şaxa gurey qelbez dê
Qaspe qaspî kew bawanim le naw rewez dê
Le gel gizîngî berî beyanî
Têkra epjênê bawanim cîlwey ciwanî
Rnûrî dundî kêw çor çor esrînî
Erjênê û egrî bawanim bo dwayî jînî
Bulbulî aşiq bestey dildarî
Bo gulî elê bawanim diyarî beharî

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە . خانە پێویستەکان دەستنیشانکراون بە *

Similar Tracks