
گریانی نیوەشەو – باست حەمەغەریب
By - باست حەمەغەریب Basit Hemexerîb
شەوانە ئەو دەمانەی شەو دەگاتە کاتی نیوەی شەو
خەڵک نووست و لە چاوی من کەسەر دیسان ڕەواندی خەو
سکووتێکی بەسام سەرتاسەری ئەم دێیە دادەگرێ
دەڵێی هەر زیندەوارێکی هەیە لەو دێیەدا دەمرێ
لە هیچ لا خشپەیەک نایە، چرای ماڵێکی ناییسێ
بەئەسپایی لە ماڵ دێمە دەرێ دەخوشم وەکوو نیسێ
تەک و تەنیا بەئارامی دەچم بۆ گردەکەی بەر دێ
بەدڵتەنگی و کز و خەمناکی ڕادەکشێم لەسەر بەردێ
دەکەم جا سەیری ئەستێران و هەڵدەمژم شنەی شەوبا
شەو و بێدەنگی چەند خۆشە، هەمیشە خۆزگە هەر شەو با
وەکوو ئاواڵی چاک ئەستێرەکان گوێ ڕادەدێرن بۆم
هەتا بۆیان بەیان کەم موو بەموو ڕازی دەروونی خۆم
کوڵم هەڵدەستێ ئەو جارە و لەبەر دەردم دەناڵێنم
هەتا ئاوری دڵم دەکوژێتەوە ئەسرین دەبارێنم
شەوانە گەر نەکەم ئەو شیوەن و ناڵین و گریانە
دەسووتێنێ وجوودم ئاگری ئەم جەرگە بریانە
بەڵێ گریانی نیوەی شەو دەکا ناسۆری دڵ مەرهەم
کوڵ و کۆم دادەمرکێنێ و بەجێ دێڵێ دڵی من خەم
Similar Tracks
ماڵی دڵم ماڵی خۆتە – لەیلا فەریقی
لەیلا فەریقی Leyla Ferîqî
شلێرە – حەسەن زیرەک
حەسەن زیرەک Hesen Zîrek
وەرە وەرە با بچینە نێو شلێران ٤
ناسر ڕەزازی Nasir Rezazî
یار شەمام
ناسر ڕەزازی Nasir Rezazî
بە لەنگەر
حەسەن زیرەک Hesen Zîrek
زارا گیان دیدەم زارا
سەلاح داوود
نازداری
پەروین موشیروەزیری Perwîn Moşîrwerzîrî
شیرین تەشی دەڕێسێ
مەزهەر خالقی Mazhar Xaliqî
تاتی مار گەستەم ٢
ناسر ڕەزازی Nasir Rezazî
خەنەبەندانیەتی- مەلا حسێن عەبدوڵازادە و ئیبراهیم قادری
مەلا حسێن عەبدوڵازادە