وەک سیحرباز هاتووی بەندی دەلەسە

ئەخەیتە پێم، دیلم ئەکەی، نە بەسە!

بەس تەفرەم بە، بەس بە ئەفسوون گێلم کە

بەس کوێرم کە، ئەمجا دوشمن شێلم کە!

کەی تۆم دیوە؟ کەی ئەتناسم؟ کەی؟ کەی؟ کەی؟

دڵداری چی؟ پەیمانی چی؟ حەی؟ حەی؟ حەی؟

عومری جوانیم لە هێلانەی بێڕەنجا

چەن بێ تاسە، چەن ئاسوودە ئەگونجا؟

گوێم پڕ بووە لە ئەفسانەی دڵداری

بە لەعنەت بێ زوهرەی جوانی و عەیاری!

کەی تۆم دیوە؟ کەی ئەتناسم؟ کەی؟ کەی؟ کەی؟

دڵداری چی؟ پەیمانی چی؟ حەی؟ حەی؟ حەی؟

تا ناسیمت، زوو خۆت هاویشتە سەر ڕێم

دێوجامە ت ڕاگرت و نیشانت دا پێم

هاوار! تومەز لەودێو پەردەی گوڵ گوڵین

لەکارا بوو! بیری بەد، دەستی خوێنین!

بە لەعنەت بێ زوهرەی جوانی سروشتی،

دائەفلیقێ هەر دڵێ کەوتە مشتی!

کەی تۆم دیوە؟ کەی ئەتناسم؟ کەی؟ کەی؟ کەی؟

دڵداری چی؟ پەیمانی چی؟ حەی؟ حەی؟ حەی؟

Wek sîhirbaz hatûy bendî delese

Exeyte pêm, dîlim ekey, ne bese

Bes tefrem be, bes be efsûn gêlim ke

Bes kwêrim ke, emca duşmin şêlim ke

Key tom dîwe? Key etnasim? Key? Key? Key

Dildarî çî? Peymanî çî? Hey? Hey? Hey

umrî ciwanîm le hêlaney bêrenca

Çen bê tase, çen asûde egunca

Gwêm pir buwe le efsaney dildarî

Be lenet bê zuhrey ciwanî û eyarî

Key tom dîwe? Key etnasim? Key? Key? Key

Dildarî çî? Peymanî çî? Hey? Hey? Hey

Ta nasîmit, zû xot hawîşte ser rêm

Dêwcamet ragirt û nîşant da pêm

Hawar! Tumez lewdêw perdey gul gulîn

Lekara bû! Bîrî bed, destî xwênîn

Be lenet bê zuhrey ciwanî siruştî

Daeflîqê her dilê kewte miştî

Key tom dîwe? Key etnasim? Key? Key? Key

Dildarî çî? Peymanî çî? Hey? Hey? Hey