کیژۆڵەی چاو ڕەش و جوان چەندە نەرم و نیانی
بە چاوی ڕەشتە دیارە کە خەڵکی کوردستانی
خەڵکی کام شار و گوندی ماڵتان لە کوێیە
بۆنی باران و بۆنی نێرگزت پێیە

پەیکی شیرینی کوردی بە دەم نازدارێکەوە
خشپەی گەڵای پاییزە بە سروە دەشنێتەوە
چەن دڵڕفێنە، چەندە ئەفسوناوییە
کانگای عەشقێکی قووڵ و بێ کۆتاییە

چاو و پرچی ڕەنگ گەرمن تا بڵێی دڵڕفێنن
نیشانەی کوردی گیانا کوێستان و یا گەرمێنن
ئەی شۆخی بۆن خۆش و گەش فێنکایی دڵی
وەک دڵۆپە ئاوەنگی سەر پەڕەی گوڵی

بە کورد و بە کوردستان من دڵم دەکرێتەوە
سەهۆڵبەندانی خەمم سەر تا پا دەکرێمەوه
ئەو دوو ناوە چەندە شیرینە خودایە
هەزاران سەمفۆنیا و ئاوازیان تیایە

Kîjoley çawreş û ciwan çende nerm û niyanî
Be çawî reşte diyare ke xelkî Kurdistanî
Xelkî kam şar û gundî maltan le kiwêye
Bonî baran û bonî nêrgizit pêye

peykî şîrînî Kurdî be dem nazdarêkewe
Xişpey gelay payîze be sirwe deşnêtewe
Çen dilrifêne, çende efsunawîye
Kangay îşqêkî qûl û bê kotayîye

çaw û pirçî reng germin ta bilêy dilrifênin
Nîşaney Kurdî giyana kiwêstan û ya germênin
ey şoxî bon xoş û geş fênkayî dilî
Wek dilope awengî ser perey gulî

be Kurd û be Kurdistan min dilim dekrêtewe
Seholbendanî xemim ser ta pa dekrêmewe
ew dû nawe çend şîrîne xudaye
Hezaran semfonîya û awazyan tiyaye