کیژان دەچنە مێرگۆڵان ئەی وەی مێرگینە تێکڕا دەچنن هەڵاڵان
ئارەق لەو هانیەی دەتکێ تک تک دێنە خوار تەڕ دەکەن وردەخاڵان
کیژێ بێنە ماچت کەم دەبا ڕاتمووسم وەباڵ بەستۆی دەڵاڵان
چاوی خومار و نێرگیر
یارەکەی بە نەرم و هێدی بڕۆ دەست لە بەرۆکم بەردە

کیژان دەچنە مێرگۆڵان ئەی وەی مێرگینە بە عام دەچنن کەنێرێ
ئارەق لە هانیەی دەتکێ تک تک دێنە خوار تەڕ دەکەن خاڵی مێرێ
ئەوە یارم هاتەوە بڵێن بێتەوە بە عام بڵێن بە خێرێ
چاوی خومار و نێرگیز بۆچی نایە بیبینم
پڕ بە دڵ تەماشای کەم دەربچێ گیانی شیرینم
وەی وەی یاڕەبی مەرگت نەبینم

مەقام
مانگی چاردە بۆیە دایم زیاد دەکا ئەشنێتەوە
تا جوانی خۆی وەکوو تۆ بڕازێنێتەوە
تا دەگاتە چاردەهۆم شەو تێدەگات ناگات بە تۆ
جا لە داخا وردە وردە کەم ئەکا و ئەتوێتەوە

کیژان دەچنە مێرگۆڵان ئەی وەی مێرگینە تێکڕا دەچنن وەنەوشان
ئارەق لەو هانیەی دەتکێ تک تک دێنە خوار تەڕ دەکەن پانیەی کەوشان
کیژێ بێنە ماچت کەم دەبا ڕاتمووسم وەباڵ بەستۆی دەروێشان
چاوی خومار و نێرگیز بۆچی نایە بیبینم
پڕ بە دڵ تەماشای کەم هەتیو دەرچێ گیانی شیرینم
ئەمان یا ڕەبێ مەرگت نەبینم