هەستە بەیانە خڕمەی فینجانە
ئەگریجە و لاولاو ئەی هاوار تاوتاو شەڕیانە
ئەگریجە و لاولاو جوانێ گیان تاوتاو شەڕیانە
کۆڵان بە کۆڵان جادە بە جادە
شەرمی پێ ناوێ ئەی هاوار پەرچەمت لادە
شەرمی پێ ناوێ ئەی هاوار پەچەکەت لادە

قوربان کۆچەکەی مەحمودئاوات بم
باوەش و منداڵ جوانێ گیان کۆرپەی ساوات بم
باوەش و منداڵ ئازیزم کۆرپەی ساوات بم
کۆڵان بە کۆڵان هۆبە بە هۆبە
خۆ من سۆفی نیم جوانێ گیان پێم دەکەی تۆبە
خۆ من سۆفی نیم ئازیزم پێم دەکەی تۆبە

ڕێگاکەم دوورە مەنزڵم کوێستانە
شەو بەسەردا دێت جوانێ گیان غەم لێم میوانە
شەو بەسەردا دێت ئازیزم غەم لێم میوانە
کۆڵان بە کۆڵان جادە بە جادە
شەرمی پێ ناوێ ئەی هاوار ڕووبەندت لادە

گەڕەکی خوارێ خوەت و خوداتان
ئەو کچە غەریبە جوانێ گیان کەوتۆتە لاتان
قەدری واجبە ئازیزم لەسەر هەمووتان

کۆڵان بە کۆڵان جادە بە جادە
شەرمی پێ ناوێ ئەی هاوار پەرچەمت لادە
شەرمی پێ ناوێ ئازیزم چادرەکەت لادە

ئەوەڵی کارێ نەبای بە یارم
بووی بە باعیسی ئەی هاوار ئەو دڵەی غەمبارم
بووی بە باعیسی جوانێ گیان ئەو دڵەی غەمبارم