من په‌روانه‌م له‌ دوای خاڵت
سووتام به‌ عیشقی جه‌ماڵت
ئه‌ی بێ وه‌فا تا که‌ی جه‌فا
به‌ دانه‌ دانه‌ی ئه‌سرینم
ئه‌ڕژێ له‌ هیجری دوو پیاڵه‌ی چاوی کاڵت

ڕه‌ببی چاو جوان نه‌ڕۆی لێره‌
شێتی تۆم دنیا ده‌یزانێ
به‌ خودای گوڵم نێوی دڵم
که‌ مه‌جنوون وێڵی شاخانه‌
وه‌کوو من شێتی له‌یلای نیه‌
گوڵه‌ جوانێ

من عاشقم وێڵ و شه‌یدا
بۆ سووره‌ گوڵ له‌و باغه‌یدا
ئه‌ی سایه‌ لار، ئه‌ی گوێ به‌ گوار،
ده‌مرم له‌ به‌ر کۆچی دوورت
خوێنی منه‌ کۆچی سوورت، کۆچی سوورت

کۆچی یارم، کۆچی سووره‌
به‌هاره‌ خێڵ به‌ره‌و ژووره‌
ڕه‌ببی قاسید کوڕت بمرێ
یاخودا ئه‌و کۆچه‌ سه‌رنه‌گرێ
چونکه‌ یارم له‌ من دووره‌، له‌ من دووره‌
Min perwanem le dway xalit
Sûtam be îşqî cemalit
Ey bê wefa ta key cefa
Be dane daney esrînim
Erjê le hîcrî dû pyaley çawî kalit

Rebî çaw ciwan neroy lêre
Şêtî tom dinya deyzanê
Be xuday gulim nêwî dilim
Ke Mecnûn wêlî şaxane
Wekû min şêtî Leylay niye
Gule ciwanê

Min aşqim wêl û şeyda
Bo sûre gul lew baxeyda
Ey saye lar, ey gwê be gwar,
Demrim le ber koçî dûrit
Xwênî mine koçî sûrit, koçî sûrit

Koçî yarim, koçî sûre
Behare xêl berew jûre
Rebî qasîd kurit bimrê
Yaxuda ew koçe sernegrê
Çunke yarim le min dûre, le min dûre