site loader
site loader
Song image

کوێستان

By - نامۆ شەرەفی Namo Şerefî

حەیفە کوێستان بەو سەرە بەرزانەوە ھەر تەم نەبێ
ئەو تەمە پیرۆزە سایەیی لەو سەرانە كەم نەبێ
خۆ بە زێڕ نایگۆڕمەوە دەشت و وڵاتی خۆم بەڵام
من سەرم تێدا دەچێ جێگەم ئەگەر حەستەم نەبێ

دوژمنم زۆر جار بە پیلان و دھۆ ڕێی لێ تەنیم
قەت بەڵام من پێم نەوەستا داوی كەس پەرچەم نەبێ
بێ وەفایی تۆ گوڵم وای كرد بەڵێنم دا ئیتر
خەم نەخۆم بۆ وردە خاڵان كەم كەم و دەم دەم نەبێ

شەو بە یادی تۆ ئەگەر ئەژنۆ دەگرمە باوەشم
كێ ھەیە فرمێسكی بۆ من ھەڵوەرێنێ شەم نەبێ
سروە خۆی ھەڵ ئەگرێ بێشک ئارەقی سەر گەردنی
گەر بە ھیوای باوەشێنی زوڵفی خاترجەم نەبێ
Heyfe kwêstan bew sere berzanewe her tem nebê
Ew teme pîroze sayeyî lew serane kem nebê
Xo be zêr naygormewe deşt û wilatî xom belam
Min serim têda deçê cêgem eger hestem nebê

Dujminim zor car be pîlan û diho rêy lê tenîm
Qet belam min pêm newesta dawî kes perçem nebê
Bê wefayî to gulim way kird belênim da îtir
Xem nexom bo wirde xalan kem kem û dem dem nebê

Şew be yadî to eger ejno degirme baweşim
Kê heye firmêskî bo min helwerênê şem nebê
Sirwe xoy hel egrê bêşk areqî ser gerdinî
Ger be hîway baweşênî zulfî xatircem nebê

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks