کرماشانکەگەم ئەی خاک زێڕین
هاوزوانەگەی بەدرە و خانەقین
جگەرگۆشەگەی ئیلام دێرین
نیشتمانەگەی فەرهاد و شیرین

نە فارس نە عەجەم نە تاتار نە تورکم
کوڕێ کرماشان وە نەسڵێ کوردم
تۆنیش خوەیشگەگەم وە نەسڵێ کوردی
دامەن لەچگ شووڕ کراسێ کوردی
فەرهەنگ بێگانە وە پێشەد نەکە
وە دەس خوەد ئاگر وە ڕیشەد نەکە
کرماشانکەگەم ئەی خاک زێڕین
هاوزوانەگەی بەدرە و خانەقین
جگەرگۆشەگەی ئیلام دێرین
نیشتمانەگەی فەرهاد و شیرین

ئەگەر ڕاس ئۊشی کوردێ خۊنپاکی
ئەڕا وڵاتت گڕژ و چالاکی
ئەڕا کرماشان تۆ هەر بکۆشە
تۆ کوردی بۊشە کورد بپۆشە
کرماشانکەگەم ئەی خاک زێڕین
هاوزوانەگەی بەدرە و خانەقین
جگەرگۆشەگەی ئیلام دێرین
نیشتمانەگەی فەرهاد و شیرین

هەڵسن کرماشان بکەیمن ئاباد
جوور دیاربەکر و شارێ مەهاباد
کوردی بپۆشیم کوردی بنۊسیم
تا کەی چاوەڕێی دەس چارەنۊسیم
کرماشانکەگەم ئەی خاک زێڕین
هاوزوانەگەی بەدرە و خانەقین
جگەرگۆشەگەی ئیلام دێرین
نیشتمانەگەی فەرهاد و شیرین

لە خۆدا داوا کەم هەر ئاوەدان بوو
لە ئاناهیتا تا قەڵای جوانڕوو
بیستۊن سەربەرز و تاقێ تاق وە سان
دۊر بوو لە سایەی جەورێ ناکەسان
کرماشانکەگەم ئەی خاک زێڕین
هاوزوانەگەی بەدرە و خانەقین
جگەرگۆشەگەی ئیلام دێرین
نیشتمانەگەی فەرهاد و شیرین