هۆ کاکی جووتیار براکەم جووتت شاگوڵ بی
تووەکەت ڕازیانە; خەرمانت گوڵ بێ
هۆ کاکی ڕێبوار; ڕێگام کوێستانە
دەچم بۆ بۆکان گوڵ لە ئێرانە

وەی کاکی جووتیار, براکەم جووتت بکە بەتاڵ
میوانتم ماندووم; با بڕۆین بەرەو ماڵ
وەی کاکی ڕێبوار; ڕێگا نازانم
ڕێم پێ نیشان دە; خەڵکی ئێرانم

هۆ کاکی جووتیار براکەم جووتت بەکار بێ
خەلە و خەرمانت یا ڕەب بەرەکەت دار بێ
ڕێبوار هۆ ڕێبوار ڕێم کەوتە دۆڵێ
تووشم بوو بە تووش هەوری لە کۆڵێ

هۆ کاکی جووتیار, برازا, گاکانت زەردە
بە پێ دەیکێڵێ هاوار لەو کێو و هەرده
هۆ کاکی جووتیار ڕێگا نازانم
ڕێم پێ نیشان دە خانم خەڵکی بۆکانم

Ho kakî cûtyar birakem cûtit şagul bî
Tuweket razyane; xermanit gul bê
Ho kakî rêbwar; rêgam kwêstane
Deçim bo Bokan gul le êrane

Wey kakî cûtyar, birakem cûtit bike betal
Mîwantim mandûm; ba biroyn berew mal
Wey kakî rêbwar; rêga nazanim
Rêm pê nîşan de; xelkî êranim

Ho kakî cûtyar birakem cûtit bekar bê
Xele û xermanit ya reb bereket dar bê
Rêbwar ho rêbwar rêm kewte dolê
Tûşim bû be tûş hewrî le kolê

Ho kakî cûtyar, biraza, gakanit zerde
Be pê deykêlê hawar lew kêw û herde
Ho kakî cûtyar rêga nazanim
Rêm pê nîşan de xanim xelkî Bokanim