
ڕووتان ڕەش بێت – عەبدوڵڵا پەشێو
By - عەبدوڵڵا پەشێو Ebdula Peşêw
لەم نیشتمانە چارەڕەشەدا چیتان هێشتووە دابەشی نەکەن وەک ڕەزی خۆتان؟
هەر بە شەهیدان سەرمان بڵند بوو ئەوانیشتان کرد بە پەزی خۆتان!
ناوێرم قەڵەمێک هەڵگرم
ناوێرم کراسێک لەبەر کەم
ڕووتان ڕەش بێ
تا ڕەنگەکانیشتان بەش کرد!
بڵێم خوێندکار یا قوتابی؟
ژن یا ئافرەت؟
ڕووتان ڕەش بێ
تا وشەی ناو فەرهەنگەکانیشتان بەش کرد!
دوو کەناری زێی جاویدانی
خانی و حاجی قادرتان بەش کرد
خاک و ئاو و ئاگرتان بەش کرد
کوا؟ چیتان هێشت؟
کوا؟ کێتان هێشت؟
بگرە قەحپە و دز و ڕێگرتان بەش کرد
وەک زڕتەکی گاکۆژبەدەست
نیشتمانێکتان کرد بە دوو
شار بە شار، گوند بە گوند گەڕان
لە هەر ماڵێک ئاگردانێکتان کرد بە دوو
خەڵک مێژوویەکی هەیە
ئێمە دوو مێژوومان هەیە
هەموو دنیا
یەک سەرکردەی لێ بەڵایە
ئێمە لەویش دوومان هەیە!
گەورەینە! لە سایەتان بەعس لەناو دەمماندا، زمانێکە و دەگەڕێ
بەعس کەڵەگایەکە سبەینە و ئێواران لە ئاوەزمان دەپەڕێ!
کێ بێ بەعس نەناسێ؟
تا دوێنێ هەتیوێک بوو
زەلامکوژ، زلحۆرت، جرپن
لە سای سەرتان هاتەوە
هاتەوە و کەس نایبینێ
وەکوو تارمایی مردن
لێمان بوو بە ‘تی ئێن تی’
چووە ناو سەفتەی دینار
لەگەڵمان دێتە سەر خوان
جێمان لەگەڵ بەش دەکا و لەگەڵمان دەچێتە ژوان!
لەناو مانشێتی ڕۆژنامەکاندا
بەعس دەبینم
لەناو مەوکیبی سەرکردەکاندا
بەعس دەبینم
لە فیفتی فیفتی ناو پەرلەماندا
بەعس دەبینم
لە دیل کوشتن و بەرائەت پێدان
لە زەنگلێدانی نیوەشەواندا
بەعس دەبینم
Similar Tracks
زووکە دەی زووکە دەی – ناسر ڕەزازی
ناسر ڕەزازی Nasir Rezazî
کێ بێ لە من ماندووتر بێ
مریەم ئیبراهیم پوور
خەنەبەندانیەتی ٢- مەلا حسێن عەبدوڵازادە و محەمەد ماملێ
مەلا حسێن عەبدوڵازادە
خەوەر دیری – حشمەت لوڕنژاد
حشمەت لوڕنژاد Hişmet Lurnijad
لە هێلانەی دڵی من
میکائیل مەهابادی Mîkaîl Mehabadî
نازانم لە کێ پرسم – حەسەن زیرەک
حەسەن زیرەک Hesen Zîrek
ناز مەکە
سامان عومەر Saman Omer
لێم زیزە لێم تۆراوە (یاری نێو دەبستانم)
حەسەن زیرەک Hesen Zîrek
کرماشان نازد کیشم
حەمید حەمیدی Hemîd Hemîdî
بە غەمزەی چاوی مەخمووری
پەروین موشیروەزیری Perwîn Moşîrwerzîrî
هەڵاتن
هۆمەر دزەیی Homer Dizeyî
خان مەسۊر – قادر ئەلیاسی
قادر ئەلیاسی Qadri Elyasî