site loader
site loader
Song image

چەمەن یەکبارە خامۆشە

By - ئیسمائیل پیر خدری

چەمەن یەکبارە خامۆشە خرۆشی بوڵبوڵان با بێ
دڵ ئەمڕۆ مات و مەدهۆشە خوا فەسڵی گوڵان با بێ
ئەگەر مەیلت لە سەرمانە چ حاجەت ئابی حەیوانە
لە لێوی لەعلی جانانە حەیاتی جاویدان با بێ
نەماوە حاڵەت و ژینم لەدەس چوو ڕۆحی شیرینم
ڕەفیقان بێن بکەن شینم سەدای گریە و فوغان با بێ
ئەسیری تاری گیسووتم هیلاکی چاوی جادووتم
شەهیدی تێغی ئەبرووتم دەسا عیسای زەمان با بێ
بیحەمدیللا گوڵی ڕەعنا شکاندی ڕەونەقی لەیلا
بڵێن مەجنوونەکەی شەیدا ڕەئیسی ئاشقان با بێ
زەمانە بەزمی ڕەندانە بدە ساقی بە پەیمانە
لەبەر تەعزیمی مەیخانە بڵێن پیری موغان با بێ
ئەلا ئەی ئاشقی مەدهۆش وەکوو «تاهیر» مەبە خامۆش
لەبەر سۆزی دڵی پڕجۆش نەوایی موتریبان با بێ
هۆنراوە: تاهیر بەگی جاف
Çemen yekbare xamoşe xiroşî bulbulan ba bê
Dil emro mat û medhoşe xwa feslî gulan ba bê
Eger meylit le sermane çi hacet abî heywane
Le lêwî lelî canane heyatî cawîdan ba bê
Nemawe halet û jînim ledes çû rohî şîrînim
Refîqan bên biken şînim seday girye û fuxan ba bê
Esîrî tarî gîsûtim hîlakî çawî cadûtim
Şehîdî têxî ebrûtim desa îsay zeman ba bê
Bîhemdîla gulî rena şikandî rewneqî leyla
Bilên mecnûnekey şeyda reîsî aşqan ba bê
Zemane bezmî rendane bide saqî be peymane
Leber tezîmî meyxane bilên pîrî muxan ba bê
Ela ey aşqî medhoş wekû “tahîr” mebe xamoş
Leber sozî dilî pircoş newayî mutrîban ba bê

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks