
چێشتم ئەمڕۆ
By - باست حەمەغەریب Basit Hemexerîb
چێشتم ئەمڕۆ ژەهری مار و ڕۆحی شیرینم نەهات
زەخمی کۆنەم هاتە ژان و مەرهەمی برینم نەهات
من غەمم خوارد و غەمیش خوێنی جگەرمی خواردەوە
بۆیە گریام چەند بە چەند فرمێسکی خوێنینم نەهات
غەم سەری لێ دام و یارم قەت سەرێکی لێ نەدام
سەبر و هۆشم ڕۆیوە غارەتگەری دینم نەهات
دڵ دەسووتێ چین بە چین دەشکێتە سەر یەک وەک فەنەر
ساحێبی ڕووی ئاتەشین و زوڵفی چین-چینم نەهات
جەرگ و دڵ هەر دوو لەنێو نافەی دەرووندا بوون بە خوێن
شەممەیێ لەو مسکی نافەی ئاسکەکەی چینم نەهات
دیدە وەک هەوری بەهاران خوێن دەبارێنی و سەدای
پێکەنینی خونچەی نەو سەبزە پەرژینم نەهات
گۆی سەرم چەوگانی میحنەت دایە بەر خۆی ڕای ڕفاند
ئەلعەجەب بۆ شەهسواری خانەی ژینم نەهات
بۆ چیمە گیان و لەشی بێ دڵ دڵیش بەندی ستەم
هێندە بێزارم بە زەهریش خاتیمەی ژینم نەهات
کەوتمە وەزعی نەزع و غەم خستمیە حاڵی غەرغەرە
[کوردی] بێکەس خۆم لە هیچ لایەک سەدای شینم نەهات
Çêştim emro jehrî mar û rohî şîrînim nehat
Zexmî konem hate jan û merhemî birînim nehat
Min xemim xward û xemîş xwênî cigermî xwardewe
Boye giryam çend be çend firmêskî xwênînim nehat
Xem serî lê dam û yarim qet serêkî lê nedam
Sebir û hoşim roywe xaretgerî dînim nehat
Dil desûtê çîn be çîn deşkête ser yek wek fener
Sahêbî rûy ateşîn û zulfî çînçînim nehat
Cerg û dil her dû lenêw nafey derûnda bûn be xwên
Şemeyê lew miskî nafey askekey çînim nehat
Dîde wek hewrî beharan xwên debarênî û seday
Pêkenînî xunçey new sebze perjînim nehat
Goy serim çewganî mîhnet daye ber xoy ray rifand
Eleceb bo şehiswarî xaney jînim nehat
Bo çîme giyan û leşî bê dil dilîş bendî sitem
Hênde bêzarim be zehrîş xatîmey jînim nehat
Kewtime wezî nez û xem xistimye halî xerxere
[Kurdî] bêkes xom le hîç layek seday şînim nehat
Similar Tracks
کیژۆڵەی نازدار – مەهتاب – حەسەن زیرەک
حەسەن زیرەک Hesen Zîrek
پاییز پاییز بووکی قژ زەرد
سالار مەحمود
خۆشم ئەوێ وڵاتەکەم – ئیبراهیم خەیات
ئیبراهیم خەیات Îbrahîm Xeyat
گریانی نیوەشەو
ژینا سەقزی Jîna Seqzî
داگەڕان – عەدنان کەریم
عەدنان کەریم Ednan Kerîm
Bilbilê Dilşadî
سەعید گاباری
وەشەن هەورامان
حەمید حەمیدی Hemîd Hemîdî
Bilbilo
ئارام دیکران Aram Dîkran
کەویار و تۆبە تۆبە
محەمەد ماملێ Mihemed Mamlê
شار
حەسەن دەرزی Hesen Derzî
هەرمێ
حەمە جەزا Heme Ceza