site loader
site loader
Song image

چاوەڕوانی

By - هانی موجتەهیدی ‌Hanî Muctehîdî

غەریبیتان فرمێسكێكە و
لە چاو ئەكات ماڵاوایی
لە دووریتان ژوورەكەشم
ته‌نگه‌ و پڕە لە تەنیایی

من درەختی پاییز نەبووم
ئێوەش گەڵا لە من بڕۆن
كام ڕەشەبا ئێوەی فڕاند
بەو زریانە وا خول ئەخۆن

قەدەر نەیهێشت بارانێک بین
لەگەڵ یەكا گیان بسپێرین
وەكوو ڕێگای مناڵیمان
هـەنگاو بۆ لای یەک بژمێرین

چاوم لە ڕێی چاوەڕوانی و
دڵم لە ڕێی گەڕانەوە
وەک شەونمی بەر مانگەشەو
بەدەم نیگای ئاسمانەوە

غەریبیتان تیشكی خۆری ناو
ڕووبارە و ئەدات لە ڕووم
تەمـەن تاسەی ئێوە ئەكات
بەبێ‌ ئێوە بەساڵاچووم

لە ئـاوێنـەی باخێكەوە
نەمانتوانی چرا هەڵكەین
وەک شەقامی دەمەو مەغریب
لە ڕووناكی خۆمان پڕكەین

تەم و مژی غەریبیتان
هەیوانەكەی داپۆشیوم
وەكـو گوڵی ناو گوڵدانێک
لە شـەماڵی دابڕیوم

Xerîbîtan firmêskêke û
Le çaw ekat malawayî
le dûrîtan jûrekeşim
Tenge û pire le tenyayî

Min drextî payîz nebûm
Êweş gela le min biron
Kam reşeba êwey firand
Bew ziryane wa xul exon

Qeder neyhêşt baranêk bîn
Legel yeka giyan bispêrîn
Wekû rêgay minalîman
Hengaw bo lay yek bijmêrîn

Çawim le rêy çawerwanî û
Dilim le rêy geranewe
Wek şewnimî ber mangeşew
Bedem nîgay asmanewe

Xerîbîtan tîşkî xorî naw
Rûbare û edat le rûm
Temen tasey êwe ekat
Bebê êwe besalaçûm

Le awêney baxêkewe
Nemantwanî çra helkeyn
Wek şeqamî demew mexrîb
Le rûnakî xoman pirkeyn
Tem û mijî xerîbîtan
Heywanekey dapoşîwim
Weku gulî naw guldanêk
Le şemalî dabrîwim

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks