پەپوولەی ئازادی – مریەم خانەساز

بۆ مەزرای ئاواتی من تۆی نەوگوڵی عیشق و وەفاداری
بۆ گوڵشەنی پڕ گوڵی ژینم ئەتۆی ئاوازی دڵداری
لە بەحری بێپەیی ژیان عیشقی تۆ لە دڵ کەشتی ئاواتم بوو
خۆشەویستی و میهری تۆ گەرمی ژینی من ڕێگای نەجاتم بوو

پەپوولەی ئازادی ناو باخچەی دڵداری و عیشق و سەفا بووین
بەخوا زۆر حەیفە گوڵم ئێمە بە جارێ لە یەک جیا بووین
لە بەحری بێپەیی ژیان عیشقی تۆ لە دڵ کەشتی ئاواتم بوو
خۆشەویستی و میهری تۆ گەرمی ژینی من ڕێگای نەجاتم بوو

لە بیرت چوو ئەو شەوە ئاسمانی ژین ئەستێرەباران بوو
مەلی ڕۆح لە عیشقی تۆ ئەی نازەنین مەست و غەزەلخوان بوو
وەرە دیسان با لە نێو عیشقی وەسڵی تۆ بمخاتە ڕووناکی
ڕووکەین بە قیبلەی وەفا سەرمەستی و سەفا هەردوو بە دڵپاکی

کۆپی کردن بێ ئاماژەدان بە سەرچاوە قەدەغەیە

✓ پەپوولەی ئازادی ✓ مریەم خانەساز