کۆرپە دڵەکەی من باوشی تۆی دەوێ
تۆ خۆت دەزانی بۆم نانوێ شەوێ
پێم بڵێ مەزەدار مەزەدار بۆچی تۆراوی
پێم بڵێ چاو بە خومار بۆچی تۆراوی
حەسوود چی گوتووە لە من تۆراوی
وەی حەسوود چی گوتووە لە من ڕەنجاوی

کۆرپە دڵەکەی من باوشی تۆی دەوێ
گڕووم لێ دەگرێ بۆم نانوێ شەوێ
پێم بڵێ مەزەدار مەزەدار بۆچی تۆراوی
پێم بڵێ چاو بە خومار بۆچی تۆراوی
حەسوود چی گوتووە لە من ڕەنجاوی
وەی حەسوود چی گوتووە لە من تۆراوی

ئەگەر نایزانی بە حاڵی دەردم
گریانت مەیۆ پەی ڕەنگی زەردم
بەزەییت دێ تۆ پەی ڕەنگی زەردم
پێم بڵێ مەزەدار مەزەدار بۆچی تۆراوی
پێم بڵێ چاو بە خومار بۆچی تۆراوی
حەسوود چی گوتووە لە من ڕەنجاوی
وەی دەڵێی وەنەوشەوی شەونم لێداوی

دەچمە سلێمانی شەو بە بارەوە
سەرخەو ئەشکێنم بە لای یارەوە
پێم بڵێ مەزەدار مەزەدار بۆچی تۆراوی
پێم بڵێ چاو بە خومار بۆچی تۆراوی
حەسوود چی گوتووە لە من ڕەنجاوی
هەر دەڵێی نەوبووکی زاوا لێیداوی

تا کەی دانیشم تا کەی نەکەم دەنگ
گەوهەرفرۆش بووم مایەم بوو بە سەنگ
پێم بڵێ مەزەدار مەزەدار بۆچی تۆراوی
پێم بڵێ چاو بە خومار بۆچی تۆراوی
حەسوود چی گوتووە لە من ڕەنجاوی
هەی دەڵێی وەنەوشەی شەونم لێی داوی