
وا بەهارە
گیان وا بەهارە کەژ و کێو ڕەنگینە
دڵە خەمگینە بە تاسە و تینە
وەرە با سەیرێ لە کوردستان کەین
ئاوپرژێنیکی دڵی بە کۆڵمان کەین
لە سەر ئارێزەوە با بڕوانم
بۆنەکەی خۆشە ئەگاتە گیانم
قیبلەکەم شاری سنەی سەربەرزم
خاوەنی شۆڕە جەوانی تەرزم
قیبلەکەم شاری کزی مل بە کوێن
گۆڕی پیرۆزی شەهیدان لە کوێن
با بچم دەستە گۆڵی لێ دانم
دڵی داماوی لە بەر پێ دانم
گوڵەبارانی گڵی سمکۆ کەم
گڵەبانانی دڵی پڕسۆ کەم
چەپکە شێعرێکی بڵێم بۆ سمکۆ
تا وەکوو دەردی گران بێتەوە سۆ
هەی لێ هەی لێ هەی لۆ
دەبا بڵێین کوردستان گیانبازین بۆ تۆ
قارەمان تاجی سەری شێر پیاوان
ناوی تۆ بووتە سرودی لاوان
بێ تۆ بێ بابە هەتیوی سەنگەڕ
بێ وریشانەوەیە ئاگری شەڕ
کۆڕە کورسانی بە عەشقی مێوان
هەموو گیانیان گڕوو سۆزەو پەیمان
ژیلەمۆی بێ گڕە پڕ سەودایە
ئاگری سووری لە بن سەردایە
لە بن ئەو ئاگره سکڵی سوورن
مەشعەلی نووری بەرەو ڕێ دوورن
هەی لێ هەی لێ هەی لۆ
دەبا بڵێین کوردستان گیانبازین بۆ تۆ
گیان گردی سەیوانی سنە کوچکە ڕەشە
قیبلەگای هەر دەڵێ وا چارە ڕەشە
ئازیەتی چارەڕەشی کوچکەڕەشی
یا وەکوو ڕەمزە لە بۆ چارەڕەشی
سوێند بە خوێنی گەش و سووری دڵی تۆ
لە جیای دەست و چەکی ژێر گڵی تۆ
بە هەزاران هەزار دەست و تفەنگ
هەڵ ئەگرسێنینەوە ئاگری جەنگ
تا ئەگەینە ئەوی ڕۆژی واڵا
شەنگە باڵا بشەکێنن ئاڵا
هەی لێ هەی لێ هەی لۆ
دەبا بڵێین کوردستان گیانبازین بۆ تو
Similar Tracks
ئەی ڕەفیقانم گوێ ڕاگرن
مەرزیە فەریقی Merziye Ferîqî
Zana û Andok
خەجێ Xecê
دینێ مەڕۆ دینێ – حەسەن زیرەک
حەسەن زیرەک Hesen Zîrek
دەستت بڕزێ – عەبدوڵڵا پەشێو
عەبدوڵڵا پەشێو Ebdula Peşêw
هەناری ناری
ئیسمائیل مەسقەتی Îsmaîl Mesqetî
Çiyayê Me
ئارام دیکران Aram Dîkran
بۆ دوعا – عەبدوڵڵا پەشێو
عەبدوڵڵا پەشێو Ebdula Peşêw
لێم زیزە چاوجوانم – محەمەد ماملێ
محەمەد ماملێ Mihemed Mamlê
شاری دڵ
حەسەن دەرزی Hesen Derzî
Sebra Dila – Aram Tîgran
ئارام دیکران Aram Dîkran
Buhar Hat
شوان پەروەر Şivan Perwer