دیسان شەو هات بۆ حاڵی من
بۆ دڵەکەی پڕ خەیاڵی من
عالەم سووتا هەی لە ناڵەی من
هەی نار هەی نار باوانم یار

لە دەست دەرچوو کۆچ و عوزار
عەترم پێیە بۆ زولفی یار
خۆشم دەوێت ناسک و نازدار
لە دەست دەرچوو دۆستی پێرار

دیسان شەو هات هەی لەبۆ زارم
لەبۆ دڵەکەی بێقەرارم
ڕۆیی نەما دۆستی پێرارم
هەی نار هەی نار باوانم یار

لە دەست دەرچوو کۆچ و کۆچبار
عەترم پێیە بۆ زولفی یار
نامدوێنی نازک و نازدار
بۆ تۆ من بووم لێو بە بار

دیسان شەو هات با بکەم ناڵە
لە سوێی تۆ حاڵم بێ حاڵە
لە تۆ جوانە بەژن و باڵا
هەی نار هەی نار باوانم یار
لە دەست دەرچوو کۆچ و کۆچبار
عەترم پێیە بۆ زولفی یار