دیسان شەو هات بۆ حاڵی من
بۆ ئەو دڵەی پڕ خەیاڵی من
عالەم سووتا لە سکاڵای من
هەی نار هەی نار باوانم یار
دوێنێ ڕابورد کۆچ و کۆچبار
قەسەم بەو خاڵەی لە ڕووتە
فینجانەی دەستت یاقووتە
دەدرەوشێن دەڵێی زمڕووتە
هەی نار هەی نار باوانم یار
دوێنێ ڕابورد کۆچ و کۆچبار
گەردنی زەردت ئەی وەی وەی لە گولەی خەسار
چاوت ئەستێرەی بیست و دوو
هەڵدت لە کەلی کەمەتوو
موسوڵمانم مەمکە بە جوو
هەی نار هەی نار باوانم یار
دوێنێ ڕابورد کۆچ و کۆچبار
گەردن زەردت ئەی وەی وەی لە گولەی خەسار

مەقام
چاوەکەم چاوت هەڵێنە سورمەی چاوم ئەتۆی
تاوسی باغی بەهەشتی یان بە عەمدەن وا دەڕۆی

گۆرانی
غەریب ماوم لە هەولێرێ
کەس نییە بڵێ با غەریب بەخێرێ
نەمدی ڕۆیی چاو ئەستێرێ
هەی نار وەی نار باوانم یار
دوێنێ ڕابورد کۆچ و کۆچبار
گەردنی زەردت بە ملم لە گولەی خەسار