هەر یادت ماوە یادت ژیانە
لە یادنامەی من شیرینی گیانە

بۆ هێشتت ببم بە خۆشەویستت
کە جێت دەهێشتم بە بێ هۆی ویستت
تۆ نەتدەزانی بەهاریش دەبەی
دڵم بە جارێ بێ لانە ئەکەی
برینێکی وات لە دڵ کردمەوە
تا شادی ئەوسات لەبیر بردمەوە
هەر یادت ماوە یادت ژیانە
لە یادنامەی من شیرینی گیانە
دونیاش هەر بە تۆ قەشەنگ و جوانە
ئاخ چەند جوانە

کە تۆ ڕۆیشتی من چیم بەسەر هات
ئیشق وا یاری خۆیم پێ ئەکات
ژیان لە دوای تۆ چی بە بەر ماوە
کۆشکی ئەوینت کرد بە کەلاوە
بۆ هەر لا بچم یادگاریت ماوە
هەر خەم و تاسەت بوو بە پاشماوە
هەر یادت ماوە یادت ژیانە
لە یادنامەی من شیرینی گیانە
دونیاش هەر بە تۆ قەشەنگ و جوانە
ئاخ چەند جوانە