عەمر و چاوەکەم زارا زێڕی هەژدە عەیارە
گەلی دۆست و برادەران تەگبیر بکەن لەم کارە
بابی زیندانی کردووە دەورەی سیمی خاردارە
ناوێرم بچمە ژوانێ پۆست و قەراوڵ دیارە
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم

خاسە کەوێی جۆزەردان ناخۆشە دەست لێک بەردان
قەتت ڕاستی پێ نەکوتم هەر درۆ بوو و تەفرەدان
ئەگەر قەولم دەدەیەی بەڕاستی وەرە مەیدان
دەنا بەو لەحنەتەی بی کە خودا کردی لە شەیتان
هەرمێ وەی وەی هەرمێ سینگۆڵەت باغی ورمێ
لەسەر سینگت دوو سێون ناوێرم دەستیان بەرمێ
پێم عەیبە و پێم ئیرادە لە بابت دەکەم شەرمێ

ڕاوەستا لەسەر بیرێ لەبەر دەسماڵ حەریرێ
چەندی خۆم مەجبوور دەکرد دەستم بۆ هەڵناگیرێ
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم

تۆخودا دڵم مەشکێنە تاوێک وەرە باوەشم
بەژنێ باریک لێم زیزە دەچکێ فرمێسکی گەشم
لە دنیا خۆشیم نەدی بەدبەخت و چارەڕەشم
هەرمێ وەی وەی هەرمێ سینگۆڵەت باغی ورمێ
لەسەر سینگت دوو سێون ناوێرم دەستیان بەرمێ
پێم عەیبە و پێم ئیرادە لە بابت دەکەم شەرمێ

سڵاو لە بەژنێ باریک بینایی هەردوو چاوم
خۆ من بە دەستی یارێ دیل و ئەسیر کراوم
خودا بۆخۆی دەزانێ دە عیشقتدا فەوتاوم
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم