هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم

سڵاو لە بەژنێ باریک بینایی هەردوو چاوم
خۆ من بە دەستی یارێ دیل و ئەسیر کراوم
خودا بۆخۆی دەیزانێ دە عیشقتدا فەوتاوم
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم

خاسە کەوێی جۆزەردان ناخۆشە دەست لێک بەردان
قەتت ڕاستی پێ نەکوتم هەر درۆ بوو و تەفرەدان
ئەگەر قەولم دەدەیەی بەڕاستی وەرە مەیدان
دەنا بەو لەحنەتەی بی کە خودا کردی لە شەیتان
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم

هەرچەن دەکەم خەیاڵان قەت ئەو دڵەی من ناسرەوێ
جا گڕووی گرتووە وەک منداڵ هەر دەڵێ یارم دەوێ
ڕۆژێ سەد جارم لێدەن لە کوێ بی من دێمە وی
هەرمێ وەی وەی هەرمێ دەچم هەرمێت بۆ دێنم
لە تاران و تەورێزان کراسی کرێمت بۆ دێنم
بە خوایش یان بە زۆری دێم لە بابت دەستێنم