site loader
Song image

هیوا مەگری

By - مەرزیە فەریقی Merziye Ferîqî

هیوا مه‌گری، هه‌نسکی نیوه‌شه‌و به‌س هه‌ڵده‌، به‌س بگری
له‌ چاوی بێ قه‌رارم بۆچی ده‌رمانی وه‌نه‌وز ئه‌بڕی
کوڕی خۆم! کۆرپه‌له‌م! میوانی دنیای تازه‌ خوڵقاوم!
ئه‌دا گریه‌ت به‌ زه‌ربه‌ی چز له‌ ڕۆحی پڕگلاراوم
چییه‌ ئه‌م گریه‌ بێغایه‌، کڕووزه‌ی نیوه‌شه‌و خورپێن؟
چییه‌ ئه‌م قه‌تره‌ وردانه‌ی له‌ چاوت بێ مه‌ئال ئه‌ڕژێن؟
چییه‌ توخوا؟ چ سیڕڕێکه‌ وه‌ها مه‌حکوومی گریانی
که‌ تۆ هێشتا له‌ خه‌م ناگه‌ی، له‌ مه‌عنای گریه‌ نازانی
ئه‌گه‌ر وه‌ک باوکه‌ حه‌سره‌ت دیده‌که‌ت زه‌هرت بچێژایه‌،
زه‌مان گه‌ردی ئه‌مه‌لتی گشت به‌ ده‌م باوه‌ بپێژایه‌،
حه‌قت بوو عه‌رش بله‌رزێنی به‌ ناڵه‌ی ڕۆحی پڕ ئێشت،
له‌ ئه‌ستێره‌ی سه‌ما بپژێنی فرمێسکی دڵی ڕێشت!
حه‌قت بوو بێ وچان بگری به‌ سه‌رتاوانی باوکیما
به‌حر پڕ که‌ی له‌ تف بیده‌ی به‌ ناوچاوانی باوکیما!
به‌ڵام ڕۆڵه‌م که‌ تۆ ئێستا له‌ فه‌جری زینده‌گانیتای
له‌ به‌ر ده‌رگای ته‌لیسمی به‌ختی مه‌جهوول و نیهانیتای،
به‌ چی مه‌علووم به‌ شوێنی هیی منا ئه‌ڕژێ چه‌می عومرت؟
سه‌راسه‌ر پێکه‌نین و خوڕڕه‌می نابێ خه‌می عومرت؟
به‌ڵێ، به‌رخم! ئه‌گه‌رچی هه‌ر وه‌کوو یه‌ک ژینی گشت لایه
له‌ به‌ینی بێشکه‌ وو قه‌برا بڕینی عه‌ینی ڕێگایه‌!
هه‌موو هه‌ر قافڵه‌ی بێ ئیختیاری سه‌رزه‌مینێکین
هه‌موو دێین و ده‌ڕۆین، تاکو ئه‌گه‌ین، یه‌عنی ئیتر ئه‌مرین،
وه‌لێ کۆچی ژیان کۆچێکی پڕ سیحر و پڕ ئه‌فسوونه‌:
له‌ یه‌ک سه‌رچاوه‌ دوو قه‌تره‌: یه‌کێ لێڵه‌، یه‌کێ ڕوونه‌
هه‌یه‌ وه‌ک من به‌ سه‌ر دڕکا ئه‌نێ هه‌نگاوی ئاواره‌
هه‌یه‌ هی وایش که‌ فه‌رشی ژێری پێی ئاوریشمی گوڵزاره‌
ئه‌وه‌نده‌ی ڕۆحی مه‌ئیووس و مه‌لوول تاریک ئه‌کا دنیا،
ئه‌وه‌نده‌ش نوور له‌ ڕۆحی شاده‌وه‌ ئه‌ڕژێ به‌ سه‌ر سه‌ریا!
به‌ خۆڕایی مه‌ترسه‌، خه‌م مه‌خۆ، مه‌گری له‌ ئێستاوه‌!
به‌چی مه‌علووم که‌ چی له‌و ته‌ختی ناوچاوانه‌ نووسراوه‌؟

Hîwa megrî, hensikî nîweşew bes helde, bes bigrî
Le çawî bê qerarim boçî dermanî wenewz ebrî
Kurî xom! Korpelem! Mîwanî dinyay taze xulqawim
Eda giryet be zerbey çiz le rohî pirglarawim
Çîye em girye bêxaye, krûzey nîweşew xurpên?
Çîye em qetre wirdaney le çawit bê meal erjên?
Çîye tuxwa? Çi sîrrêke weha mehkûmî giryanî
Ke to hêşta le xem nagey, le me’nay girye nazanî
Eger wek bawke hesret dîdeket zehrit bçêjaye,
Zeman gerdî emeltî gişt be dem bawe bpêjaye,
Heqit bû ‘erş blerzênî be naley rohî pir êşit,
Le estêrey sema bipjênî firmêskî dlî rêşit
Heqit bû bê wiçan bigrî be sertawanî bawkîma
Behir pir key le tif bîdey be nawçawanî bawkîma
Belam rolem ke to hêsta le fecrî zîndeganîtay
Le ber dergay telîsmî bextî mechûl û nîhanîtay,
Be çî me’lûm be şwênî hîy mina erjê çemî ‘umrit?
Seraser pêkenîn û xuremî nabê xemî ‘umrit?
Belê, berxim! Egerçî her wekû yek jînî gişt laye
Le beynî bêşke wu qebra brînî ‘eynî rêgaye!
Hemû her qafley bê îxtyarî serzemînêkîn
Hemû dêyn û deroyn, taku egeyn, ye’nî îtir emrîn,
Welê koçî jiyan koçêkî pir sîhir û pir efsûne:
Le yek serçawe dû qetre: yekê lêle, yekê rûne
Heye wek min be ser dirka enê hengawî aware
Heye hî wayş ke ferşî jêrî pêy awrîşmî gulzare
Ewendey rohî meîwus û melûl tarîk eka dinya,
Ewendeş nûr le rohî şadewe erjê be ser serya!
Be xorayî metirse, xem mexo, megrî le êstawe!
Beçî me’lûm ke çî lew textî nawçawane nûsrawe?

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks