ئەرێ هاتەوە هاتەوە تەیرەکەی گەرمێنێ ئای هێشتا دوورە دەخوێنێ
ئای لە شەقەی تیژباڵیدا هاوار ئای گۆلاوان دەشڵەقێنێ
ئای هەزار سەت هەزار خۆزگەم وەی بەو کەسەی ئای دەس لە گەردنی وەردێنێ
وەی بەژنێ باریک هەڵدەگرم هاوار ئای بۆ وڵاتەکەی بیتوێنێ

ئەرێ هاتەوە هاتەوە تەیرەکەی گەرمێنێ بەو تەیرەم دەڵێن ڕەش داڵە
ئەی باڵ و تیژباڵی لێدا هاوار ئای لە شوێن یاری عەبداڵە
ئای هەزار سەت هەزار خۆزگەم وەی بەو کەسەی ئای لەگەڵ ناسکۆڵ هاوماڵە
وەی دۆست بە ماڵی زۆر نییە چی بکەم ئای بە بەختە و بە ئیقباڵە

ئەرێ هاتەوە هاتەوە تەیرەکەی گەرمێنێ ئای لە دوور وەک گوڵ خەمڵاوە
هەی پانیەی قەیسی هەڵوێنە هاوار ئای بە دارێوە دەتواوە
ئای هەزار سەت هەزار خۆزگەم وەی بەو کەسەی ئای دەمی لە دەمی ناوە
ئای ئەگەر نابێ بە یارم پێی بڵێن هەی دەوڵەت زیاد و ماڵاوا