نەمردم من ئەگەر ئەمجارە بێ تۆ
نەچم شەرتە هەتا ئەم خوارە بێ تۆ
بیناییم کوێرە هەڵنایە بە ڕووی کەس
موژەم یەک یەک ئەڵێی بزمارە بێ تۆ
قەسەم بەو شەربەتی دیداری پاکت
موژەم یەک یەک ئەڵێی بزمارە بێ تۆ
لە کن تۆ خار و خەس گوڵزارە بێ من
لە لای من خەرمەنی گوڵ خارە بێ تۆ
لە لای من با وجوودی ناس و ئەجناس
کەسیکەی تیا نییە ئەم شارە بێ تۆ
هەتا تۆم ئاشنا بووی، ئاشنام بوون
ئەمێستاش موو بە مووم ئەغیارە بێ تۆ
لە حەسرەت قەددی سەرووت چاوی نالی
دوو جۆگە، بەڵکوو دوو ڕووبارە بێ تۆ

Nemirdim min eger emcare bê to
Neçim şerte heta em xware bê to
Bînayîm kwêre helnaye be rûy kes
Mujem yek yek elêy bizmare bê to
Qesem bew şerbetî dîdarî pakit
Mujem yek yek elêy bizmare bê to
Le kin to xar û xes gulzare bê min
Le lay min xermenî gul xare bê to
Le lay min ba wicûdî nas û ecnas
Kesîkey tiya nîye em şare bê to
Heta tom aşina bûy, aşinam bûn
Emêstaş mû be mûm exyare bê to
Le hesret qedî serût çawî Nalî
Dû coge, belkû dû rûbare bê to