site loader
site loader
Song image

نیشتمان

By - نەجمەدین غوڵامی Necmedîn Xulamî

له هاژەی تاڤگە و دەنگی به خرۆش

کوورەی دەروونم چۆن نایەتە جۆش

کوردستان مانا مانای ژینمه

خوێناوی دڵ و هیوا و تینمه

شنەی شەماڵت شنەی ڕەوانم

دەشتی ڕەنگینت نووری چاوانم

سۆزی شمشاڵت سۆزی دەروونم

ناوی جوانی تۆ بوون و نەبوونم

هاژەی تاڤگەکان هاژەی ئەستوورت

سۆزم به هاژەی هاتوەتە خرۆش

فێنکی ئاوان فێنکی دڵمه

فێنککەرەوەی هەستی به کوڵمه

ڕۆڵەکانی تۆ و ئازا و دلێرن

پەروەردەی تۆنە بۆ وایه شێرن

داری ئازادی وا هاتۆتە بەر

ڕۆژی سەرکەوتن خۆی هاویشتە دەر

Le hajey tavge û dengî be xiroş

Kûrey derûnim çon nayete coş

Kurdistan mana manay jînime

Xwênawy dil û hîwa û tînime

Şiney şemalit şiney rewanim

Deştî rengînit nûrî çawanim

Sozî şimşalit sozî derûnim

Nawî cwanî to bûn û nebûnim

Hajey tavgekan hajey estûrit

Sozim be hajey hatwete xiroş

Fênikî awan fênikî dilme

Fênikkerewey hestî be kulme

Rolekanî to aza û dilêrin

Perwerdey tone bo waye şêrin

Darî azadî wa hatote ber

Rojî serkewtin xoy hawîşte der

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks