site loader
site loader
Song image

نیشانەی پیری

By - بەهجەت یەحیا Behcet Yehya

نیشانەی پیری دیاریدا لە ڕووم
سەراپا وێنەی بەفر سپی بووم
ئەستوونی باڵام لەنگە و چەمیوە
کاسەی تەمەنم هاتۆتە نیوە
سەرنج چەن ئەدەم نابینم تۆزقاڵ
ڕێ هەڵا ئەکەم هەر وەکوو مناڵ
سەیرە بە پیری تازە پێ ئەگرم
دارەدارەم دێ و دەسی ڕێ ئەگرم
پەشمە ئامانجم زیندەچاڵ کرا
ڕەنجم پێوانەی پایەماڵ کرا
خەرمانی ژیری شەن و کەو ئەکەم
بە ئاگا نایەم تاسەی خەو ئەکەم
داخم ئەو خەمە ئەنجامی تەمەن
هەندێ بێهوودە کێشانەی ئەکەن
نازانن ڕەوتی قۆناغی پیری
پڕە لە وانە و ئەزموونی ژیری

Nîşaney pîrî diyarîda le rûm
Serapa wêney befir spî bûm
Estûnî balam lenge û çemîwe
Kasey temenim hatote nîwe
Sernic çen edem nabînim tozqal
Rê hela ekem her wekû minal
Seyre be pîrî taze pê egrim
Daredarem dê û desî rê egrim
Peşme amancim zîndeçal kira
Rencim pêwaney payemal kira
Xermanî jîrî şen û kew ekem
Be aga nayem tasey xew ekem
Daxim ew xeme encamî temen
Hendê bêhûde kêşaney eken
Nazanin rewtî qonaxî pîrî
Pire le wane û ezmûnî jîrî

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks

حەریرە و حەریرە

سەید جەلالەدین محەمەدیان Celaledîn Mihemediyan