site loader
site loader
Song image

ناوێرم بانگت کەم

By - یەدی شاکری

ناوێرم بانگت که‌م، شوێن ده‌نگم هه‌ڵده‌گرن
ناوت لێم زه‌وت ئه‌که‌ن هاوارم سه‌ر ده‌بڕن
بۆنی ده‌م ده‌که‌ن و بۆ نێو دڵ ده‌ڕوانن
ئه‌وین و ئازادی هه‌ر دووکیان تاوانن

ئاواتم گشت مردن، له‌ نێو ئه‌م ته‌لبه‌نده‌
من ماوم و دڵێکی زامدار و گازنده‌
دوا گه‌ڵای زه‌ردی به‌ر هه‌ناسه‌ی زریانم
به‌هارم نه‌دیوه‌ گیان، من خه‌ڵکی زستانم

به‌ڵام هه‌ر ده‌ڕووخێ قه‌ڵاچه‌ی بێدادی
ئه‌خه‌مڵێ وه‌رزی ژین، به‌ تیشکی ئازادی
داخه‌که‌م ئه‌و ڕۆژه‌ به‌ چاو خۆم نابینم
وه‌ک خۆری زه‌رده‌په‌ڕ لاواز و بێ تینم
به‌ کامی دڵی خۆم ساتێکم ڕانه‌برد
له‌ باخی ژیاندا خونچه‌یکم بۆن نه‌کرد
لە باخی ژیاندا خونچەیکم بۆن نەکرد
ناوێرم بانگت که‌م، شوێن ده‌نگم هه‌ڵده‌گرن
ناوت لێم زه‌وت ئه‌که‌ن هاوارم سه‌ر ده‌بڕن
Nawêrim bangit kem, şwên dengim heldegrin
Nawit lêm zewt eken hawarim ser debrin
Bonî dem deken û bo nêw dil derwanin
Ewîn û azadî her dûkyan tawanin

Awatim gişt mirdin, le nêw em telbende
Min mawim û dilêkî zamdar û gazinde
Dwa gelay zerdî ber henasey ziryanim
Beharim nedîwe giyan, min xelkî zistanim

Belam her derûxê qelaçey bêdadî
Exemlê werzî jîn, be tîşkî azadî
Daxekem ew roje be çaw xom nabînim
Wek xorî zerdeper lawaz û bê tînim
Be kamî dilî xom satêkim ranebird
Le baxî jiyanda xunçeykim bon nekird
Le baxî jyanda xunçeykim bon nekird
Nawêrim bangit kem, şwên dengim heldegrin
Nawit lêm zewt eken hawarim ser debrin

کۆپی کردن بێ ئاماژەدان بە سەرچاوە قەدەغەیە
More

وەڵامێک بنووسە

پۆستی ئەلکترۆنیکەت بڵاو ناکرێتەوە .

Similar Tracks