گوڵەندام ئەی تەنافی گەردنم زولفی پەرێشانت
عیلاجێک چارەیێ ڕوحمێک ئامان دەستم بە دامانت

ئازیزەکەم غەریبی تۆم نەخۆشی تۆم بە گۆشەی چاوی بیمارت
ئەسیری تۆم شەهیدی تۆم بە نووکی تیری موژگانت

ئەسمەر بۆچی تۆراوی پێم بڵی بۆچی ڕەنجاوی
وەک گوڵاڵەی سوورەی بەهار لە دەشت و کێو غەمڵاوی
نامدوێنی بۆچی نامدوێنی بۆ لێم زیز بووی نامدوێنی
نامدوێنی بۆچیم نادوێنی ئۆف بۆ لێم زیز بووی نامدوێنی
ئەگەر بێ و بمدوێنی نەمڕەنجێنی نەمشەمزێنی
سەر دەدەم لە مزگێنی وەڵڵا ڕۆح دەدەم لە مزگێنی

ئەسمەر بەینەڵا جوانی
سەرتۆپی کوردستانی
لەبەردڵی دۆستانی
بیللا دەڵێی خەرمانی جوانێ
بڵێ ئەوجار ئارامی دڵانی
نامدوێنی بۆچیم نادوێنی بۆ لێم زیز بووی نامدوێنی
ئەگەر بێ و بمدوێنی نەمڕەنجێنی نەمشەمزێنی
سەر دەدەم لە مزگێنی وەڵڵا ڕۆح دەدەم لە مزگێنی

ئەسمەر لە کوێ میوانی
ژنی گولەی مێردانی
بە ملوێنێ هەرزانی
ئیجارەم کرد لە خانی
مامزی دەشتی بۆکانی